As Figueiras
De Uiquipedia
As Figueiras (Figueras en castellanu) ye una parroquia del conceyu asturianu de Castropol, qu'ocupa la cara norte de la ensenada d'A Lieira de la ría del Eo, y qu'acueye nos sos 1,89 km² d'estensión a 720 habitantes (INE 2005), repartíos nos núcleos de población que vienen darréu: As Figueiras, Granda, Lois, Rozadela y San Román.
Ye ún de los 18 puertos pesqueros d'Asturies, un sector agrupáu dientro la Cofradía de Pescadores «Nuestra Señora del Carmen» y dedicáu mayoritariamente al marisquéu na ría del Eo y a la captura de pulpu (16.684 kg rulaos en 2005).
Otru de los pegoyos importantes de la economía de la parroquia ye la construcción naval, yá que cuenta dende l'añu 1940 cola actividá d'Astilleros Gondán.
La venceya a la mar d'As Figueiras queda afitada cola colocación de pantalanes pa embarcaciones deportives nel muelle de la localidá, lo que vien a sofitar otra de les actividaes económiques importantes: el turismu.
| Parroquies de Castropol |
|---|
| Balmonte | Barres | Castropol | As Figueiras | Piñeira | Presno | San Xuan | Siares | Tol |
Esti artículu ye un entamu, ampliándolu, ayudarás a meyorar la Uiquipedia
