Escurexito
De Biquipedia
O escurexito, u boca de nuei, ye l'inte de o día en que o Sol se pone per l'Ueste, disparixendo per debaxo lo plan de l'orizón.
A ora de o escurexito baría seguntes o tiempo de l'año e a latitú de o puesto dende o cual se mira. Istas bariazions se deben á la enclinazión de l'exe de a Tierra e á lo mobimiento de o planeta arredol de a suya orbita. En as semanas que abracan os solstizios de berano e d'ibierno, igual lo escurexito como l'amanexer se rezagan una mica cada día. A refrazión per l'atmosfera de as rayadas de o Sol fan que beigamos a suya luz mesmo cuan o Sol ya s'ha puesto. Ixa refrazión aluenga o día e alcuerza la nuei.
A defusión Rayleigh de luz azul per o polbo atmosferico produz os tipicos tintes royiscos en o zielo ta lo escurexito, que pueden fer-sen más espeutaculars per o efeuto de as boiras, o fumo, a zenisa de as eruzions bolcanicas u os gases causatos per l'autibidá umana. O brilo de as colors acostumbra á estar más intenso que ta la boca de día, ya que per un regular bi ha más polbo en a baxa atmosfera ta la fin de a chornada, si bien tot pende muito de l'ubicazión cheografica de o espeutador.
Como simbolo, o escurexito representa os intes zaguers de bella cosa, como la biellera en a bida de as personas.
