Coro grieco
De Biquipedia
En as trachedias de l'antiga Grezia, o coro yera formato orichinalmén per 12 cantaires e danzaires. O capezero de o coro interautuaba con os personaches de a obra, e parlaba en representazión de a opinión publica. Tot lo coro miraba d'ir en plegato ritmicamén, de manera que podeba beyer-se como una entidá unica. Más tardi, o numero de miembros de o coro puyó á 15, e o d'actors, á tres. O coro, per un regular, cantaba o suyo mensache, anque á bezes lo rezitaban. A coreografía de o coro yera quefer de o dramaturgo. O coro ofriba un fondo e un resumen de a informazión que aduyaba á o publico á seguir a representazión; tamién comentaba os temas prenzipals e amostraba cómo eban de reazionar os espeutadors á la obra que se i feba. Igualmén representaba la poblazión cheneral de cualsiquier istoria concreta.
