Castiella

De Biquipedia

Iste articlo trata sobre a rechión istorica de Castiella. Ta atros emplegos se beiga Castiella (desambigazión).

Castiella ye o nombre d'una rechión istorica española. Senguntes l'autor y a epoca, se considera formato por territorios diferens. A eboluzión istorica fa encara más imprezisos os suyos componens: o Reino de Castiella estió en un primer inte un condau dependién d'o Reino de Lión, que dimpués se desalpartó d'iste, y más tardi formó parti, chunto á atros reinos, d'a Corona de Castiella.

[Editar] Cheografía

Tradicionalmén, s'ha considerato que Castiella estarba formata por as antiguas rechions de Castiella la Biella y Castiella la Nueba (dende o sieglo XVI prenzipian á aparixer os primers mapas an s'emplega la denominazión de Castiella La Nueba por o Reino de Toledo). Seguntes ista bisión tradizional, Castilla corresponderba á las siguiens probinzias autuals d'España (dende o norte enta o sur):

Santander (autualmén a comunidá autonoma de Cantabria).
Burgos
Logroño (autualmén a comunidá autonoma de A Rioxa)
Soria
Segobia
Abila
Balladolid
Palenzia
Madrid
Guadalaxara
Cuenca
Toledo
Ziudá Reyal

Por criterios istoricos, atros autors encluyen tamién as redoladas d'Utiel y Requena, autualmén en Balenzia u as de Plasenzia (autualmén en Cazers), y a zona Sarra de Béjar (Salamanca), toz ers d'o reino meyebal de Castiella, anque Béjar estió orichinalmén lionesa.

Atros autors, como Anselmo Carretero u Manuel González Herrero, quitan d'a lista anterior:

A Liebana.
A mayor parti d'as probinzias de Balladolid y Palenzia, por aber formato parti ditos territorios d'o Reino de Lión.
As probinzias de Toledo y Ziudá Reyal, que pertenexiban á lo Reino de Toledo, y en as que se aplicaba un dreito romano bisigotico, alleno á la tradizión legal de Castilla.
As partis d'la probinzia d'Albazete que no pertenexioron á Cuenca (parti d'a probinzia d'Albacete yera encluyita en o Reino de Murzia, y atras partis yeran en as autuals probinzias de Cuenca, Alicán y Ziudá Reyal).