Alborzera
De Biquipedia
| Alborzera | ||||||||||||||
|---|---|---|---|---|---|---|---|---|---|---|---|---|---|---|
 Arbutus unedo |
||||||||||||||
| Clasificazión zentifica | ||||||||||||||
|
||||||||||||||
| Nombre binomial | ||||||||||||||
|
|
L'alborzera (Arbutus unedo), tamién dita modrollera u arbetón, ye un arbusto u arbolet de fuella perén d'a familia d'as ericazias.
Contenius |
[Editar] Carauteristicas
Crex dica una altaria d'uns 5 á 10 m, raramén dica 15 m. O trallo ye royisco, con crepazas, podendo plegar ta os 80 cm, e la corona ye pompuda e redondiata. As fuellas son brilans, de coda curta, d'un berde escuro, con una largaria de 5 á 10 cm e una amplaria de 2 á 3 cm, e tienen os cantos sarratos. As flors son blancas, rara bez d'un rosato clarizo, acampanatas, con un diametro de 4 á 6 mm.
O fruto ye l'alborza, un lulo amarillenco en primeras e bien royo dimpués, d'1 á 4 cm de diametro, de toque aspro, que matura á l'año, ta cuan l'alborzera torna á florexer. As simiens se troban en metá d'o lulo e son chiquetas e de color parda.
[Editar] Ábitat
L'alborzera ye espardita per a rechión mediterrania e per a costa atlantica de l'ueste d'Europa. O suyo ábitat natural ye en maticals, costeras, peñons, ezt.
[Editar] Usos
As alborzas puede minchar-sen; son una mica dulzes, anque a suya sabor ye más bien xasca e granosa. (O bocable latín unedo sinifica en mincho un).
Tamién pueden fermentar-sen ta quitar-ne bebitas alcolicas.
A crosta s'ha emplegato en medizina natural como diuretico.
[Editar] Chardinería
L'alborzera ye un arbolet que se beye á ormino en bels parques e chardins per o colorito d'os lulos suyos.
Tolera millor os puestos an fa una mica de calor, ya que son prou sensibles á las cheleras.
[Editar] Curiosidaz
En o escudo d'a billa de Madrid, i feguran una alborzera e una onsa que se refirma sobre o tronco.
