ሆይ
From Wikipedia
ሀ ሁ ሂ ሃ ሄ ህ ሆ
| የአቡጊዳ ታሪክ | |||||
|---|---|---|---|---|---|
| አ | በ | ገ | ደ | ||
| ሀ | ወ | ዘ | ሐ | ጠ | የ |
| ከ | ለ | መ | ነ | ሰ | ዐ |
| ፈ | ጸ | ቀ | ረ | ሠ | ተ |
ሆይ (ወይም ሀውይ) በአቡጊዳ ተራ አምስተኛው ፊደል ነው። እንዲሁም በከነዓን በአራማያ በዕብራይስጥ በሶርያም ፊደሎች አምስተኛው ፊደል "ሄ" ይባላል።
በዓረብኛ ደግሞ ተመሳሳይ ፊደል "ሃእ" ተብሎ በ"አብጃድ" ተራ 5ኛ ነው። በግሪክ አምስተኛው ፊደል "ኧፕሲሎን" ይባላል። በነዚህ ቋንቋዎች አጠራሩ "ህ" (ተናባቢ) ሲሆን በግሪክ ግን አናባቢ ("ኧ") ሆኗል።
በመጀመርያው (ግዕዝ) ቅርጽ (ሀ) በልሳነ ገእዝ እንደ ሌሎቹ ፊደላት የ"ኸ" አናባቢ ድምጽ ሆነው ነበር፤ በአማርኛ ግን ድምጹ እንደ አራተኛው (ራብዕ) ቅርጽ (ሃ) አንድላይ ነው።
በአማርኛ አጻጻፍ ብዙ ጊዜ ከሐውት (ሐ) ከኀርም (ኀ) እና ከኻፍ (ኸ) ጋራ ሊለዋውጥ ይችላል። ቀድሞ ግን ድምጾቻቸው የተለያዩ ነበሩ።
[ለማስተካከል] ታሪክ
| ተመሳሳይ ግብፃዊ ስዕል | ቅድመ-ሴማዊ | ሣባ | ግዕዝ | ||
|---|---|---|---|---|---|
|
 |
 |
ሀ | ||
የሆይ መነሻ ከቅድመ-ሴማዊ ጽሕፈት እንደ ሆነ ይታስባል። በዚህ ጽሕፈት ፊደሉ የሚደሰት ሰው ስዕል መስለ። ለዚህም ተመሳሳይ የግብጽ ሀይሮግሊፍ ነበር፤ አጠራሩ ግን "ቀእ" ነበር። በግብፅ የሠሩት ሴማውያን ግን በቋንቋቸው "ሄ" ስላሉት፣ ይህ ስዕል "ህ" ሆኖ እንዲሰማ መጣ።
| ከነዓን | አራማያ | ዕብራይስጥ | ሶርያ | ዓረብኛ |
|---|---|---|---|---|
 |
 |
ה |  |
هـ |
የከነዓን "ሄ" እንዲሁም ከዚህ ምልክት ተወስዶ በዚያ መንገድ የዕብራይስጥና የአራማያ "ሄ" የአረብኛም "ሃእ" ወለደ። ከዚህ በላይ የግሪክ አልፋቤት "ኧፕሲሎን" (Ε ε) አባት ሆነ፤ እሱም የላቲን አልፋቤት (E e) እና የቂርሎስ አልፋቤት (Е е) ወላጅ ሆነ። ስለዚህ እነዚህ ሁሉ የ"ሆይ" ሩቅ ዘመዶች ሊባሉ ይቻላል። በተጨማሪ የግዕዝ ቁጥር ፭ (አምስት) ከግሪኩ ε በመወሰዱ እሱም የ"ሀ" ዘመድ ነው።
