Wikimedia

Us der alemannische Wikipedia, der freie Dialäkt-Enzyklopedy

Wikimedia isch ä internationali regierungsuabhängig Gmeinnützig Organisation, wue sich de Förderung vum freye Wissen voschriebe het. Fyr d Sommlung, Entwicklung un Vobreitung vun de Inhalt werre Wikis vowendet. Des mit Abstond bekonntescht Wikimedia-Projekt isch d freye Enzyklopädy Wikipedia.

[ändere] Organisation

Dachorganisation un Btreiber vun de voschiedeni Projekte isch d Wikimedia Foundation Inc., ä Stiftung nochm Recht vum US-Bundesstaat Florida. D Gründung isch vum Jimbo Wales om 20. Juni 2003 bkonnt gebe worre. Mit de Gründung vun de Wikimedia Foundation hen de Jimbo Wales un de Bomis alli im Zommenhong mit de Wikipedia odr de Schwesterprojekt stehendi Rechte om Nôme un de Domains sowia diä bies der ogschaffte Server [1] ybertrage.

S höchscht Gremium vun de Stiftung isch de sognônnt Treuhänderusschuss (Board of Trustees). Dem ghöre derzyt nebem Wikipedia-Gründer Jimmy Wales mit Angela Beesley un Florence Nibart-Devouard zwey vun de aktive Bnutzern uss de voschiedene Projekte gwählte Mitglieder ô, sowiä de Geschäftspartner Michael Davis vum Wales als Schatzmeischter un Bomis-CEO Tim Shell als Secretary.

Ôm 13. Juni 2004 isch in Berlin mitm Verein „Wikimedia Deutschland – Gesellschaft zur Förderung Freien Wissens e.V.“ d erscht national Sektion vun Wikimedia gründet worre. Im Oktober vum selbe Jôhre isch d französisch Schwesterorganisation „Wikimédia France“ gfolgt. D schyzer isch in Gründig.

Wikimedia finanziert sich bisher fascht usschliesslich duerch Spende, überwiegend hondelts sich dobi um kleineri Einzelspende vun Privatlit. Witre Unterstützung erhält Wikimedia in Form vun Geld- un Sachzuewendunge vun ôndri Stiftunge un Firme, darunter siter Frühjahr 2005 au de Suchmaschine- un Internetportal-Betreiber Yahoo!.

De Nôme Wikimedia het de Sheldon Rampton, US-Autor un Betreiber vun SourceWatch (vormals Disinfopedia), erfunde [2].

[ändere] Projekt

In alleni Wikimedia-Projekte erschtelle d Bnutzer gmeinschaftlich de Inhalt. Diä Inhalte sind in de Regel frey, praktisch alli Texte schtihn untr de GNU-Lizenz für freie Dokumentation. Als technischi Plattform vun de Projekte dient diä zue dem Zweck extra entwickelti MediaWiki Software.

Zue de wichtigschte Projekte zähle nebe de freye Enzyklopädie Wikipedia s Wörterbuch Wiktionary un diä Wikibooks – ä Projekt zuem Ufbou vun freye Lernmaterialie – un d Zitatsommlung Wikiquote. Witre Projekt sin Wikisource fyr freye Texte, s experimentelle Artevozeichnis Wikispecies, Wikimedia Commons fyr Bilder un ôndre Multimedia-Date, un Wikinews, ä freye Nachrichtequell.

[ändere] Technischi Infrastruktur

Zuem Betrieb vun de voschiedeni Projekte unterhält d Wikimedia Foundation ä umfangreich technischi Infrastruktur. Kernstück isch ä Rechnzentrum in Tampa in Florida, wue yber 100 Server schtiehn (Schtond Dezembar 2005). Donebe giebts no kleineri Standort in Frônkrich un de Niederlande [3].

[ändere] Quelle

Jimmy Wales: Ankündigung vun de Stiftungsgründung (E-Mail, 20.6.2003) ↑
Sheldon Rampton: Nomensvorschlag Wikimedia (E-Mail vum 16.3.2003) ↑
Meta-Wiki: Lischte vun de Wikimedia-Server ↑

[ändere] Ekschterni Syte

http://wikimediafoundation.org/ - Websyte vun de Wikimedia Foundation
http://meta.wikimedia.org/ - S Meta-Wiki dient als Dokumentations- un Diskussionsplattform fyr alli Wikimedia-Projekte
http://www.wikimedia.de/ - Websyte vum Verein Wikimedia Deutschland – Gesellschaft zur Förderung Freien Wissens
http://ch.wikimedia.org/ - Websyte vum schwyzer Verein Wikimedia CH - in Gründig
http://www.wikimedia.org/ - Istiegssyte vun de Wikimedia Foundation – au uff Wikimedia Projekte