Schwäbische Alb
Us der alemannische Wikipedia, der freie Dialäkt-Enzyklopedy
 |
Dialäkt: Schwäbisch |
Dui Schwäbisch Alb isch a Mittelgebirg, was middla em Schwoabaland leit, ond Oberschwaba vom schwäbischa Näggarraum drennt. Es verlauft vo Suidwesta, wo di oagränzend Baar d'Alb vom Schwarzwald drennt, noach Nordosta bis hender de bayrischa Gränz zom Nerdlingar Ries. Em Suidosta wurd d Alb vom Donaudal begränzt, em Nordwästa margiert a steile Bärgkante mit aigschniddene Däler de Rand von dr Alb.
An dera Bärgkante liega dia heggschde (Lemberg, 1015 m) ond bekannteschde (Hohenstaufen, 684 m; Teck, 775 m; Achalm, 707 m; Hohenzollern, 855 m) Bärg.
Dor Schwäbisch Albvorai hoad ainige Aussichtsterm uf solche Bärg gstellt ond viale Wandrweg margiert. Dr älteschde Aussichtsturm isch seller uf dr Teck vo 1889.
