Oben ohne
Us der alemannische Wikipedia, der freie Dialäkt-Enzyklopedy
Mit oben ohne bzichnet ma umgongsschprôchli de blutte wiibliche Oberkörper mit nit bedeckti Buse.
Im 17. Jôhrhundert ischs in England zytwiis übli gsi, des Fraue ei oda au zwi Brüscht unbedeckt gli hän. Blegt isch des duerch zytgnössisch Holzschnitt, diä d Kinigin Mary II. in d dômalig Modi darschtelle. Au in ôndri Epoche – so zuem Bispiel in d minoischen Kultur un nôch d französisch Revolution – hets immer wieder d Modi gäbe, d Brüscht blutt zue lu.
In neijere Zeit isch d Begriff uf Bademodi bschränkt worre. So het d östrrichische Modemacher Rudi Gernreich (1922 – 1985) im Jôhr 1964 in d USA d "Oben ohne"-Bademode als ä Witerentwicklung vum Bikinis erfunde – d Präsentation vum Entwurf om 30. Juni om Schtrand vun Chicago isch aba no drey Minute durch 15 Polizischte beendet worre. Dolmolig verwendeti Bzichnung Monokini het sich umgangsschprôchlich nit durchsetze kinne. Hit bzeichnit d Monokini ä Bikini, wu beidi Teile durch ä witres Stück Stoff verbunde sin.
D us däm sinerzitige Monokini abgliitete Nokini bschriibt d Vozicht uf jeglichi Badebekliidung. D Begriff het sich aber nit gege d Bezichnung FKK durchsetze kinne, do d Idee vun d Freykörperkultur beriits zue Beginn vum 20. Jôhrhundert entstande isch (luege au Nacktheit, Naturismus, Nudismus).
D Begriff oben ohne als Stichwort un Ufmerksomkeitssignal wird in d Wärbung gerni im übertrageni Sinn vowendit, etwa in d Wärbung fyr Cabrios oda Mittel gegä Haarusfall. Au Warnunge vorm Fahrrad unSchifahre ohni Helm sichre sich mit m Wörterpaar oben ohne Publikumsufmerksamkeit. Hingege sin Bars mit wiiblicha Oben-Ohne-Bedienung in Europa schu wieder selten gworre. D Ônblick blutter, wiiblicher Brüscht erregt kum mä moralischi Entrüschtung un intressiert au villi nimmer. On d Baggerseee isch au schu normal. Villi Mädle tuen sich dô au so sonne.
[ändere] Lueg au
[ändere] Ekschterni Syte
Der Artikel basiert uf ´ra freie Ibersetzung vum Artikel „Oben ohne“ us dr dytsche Wikipedia.
