Kandel (Berg)
Us der alemannische Wikipedia, der freie Dialäkt-Enzyklopedy
Dè Kandèl isch diè höchst Erhebig im Middlèrè Schwarzwald un dè Husbèrg vu dè Stadt Waldkilchè. D'Höchi betrait 1241 Meter ibèr NN.
[ändere] Sport- un Frizittmöglichkaitè
Dè Kandèl bitèt umfangrichi Sport- un Frizittmöglichkaitè. Er isch dur ä umfangriichs Wägnetz fèr Wandèrèr Bèrgradlèr èrschlossè, undèr andèrèm dur ä Dail vum Schwarzwaldvèrainswäg Oberkilchè - Waldkilchè (Kandèlhöchèwäg). Dè groß Kandèlfelsè isch ä belièbts Reveer fèr Klèttèrèr un vèrfiègt iber mehrèri Routè vu undèrschidlichè Schwirigkaitsgrad. Uf èm Gipfèl vum Kandèl befindè sich zwai Startrampè fèr Drachè- un Glaitschirmflièger. Im Wintèr sten zwai Skilift sowiè ä Langlaufloipe parat.
Dè Astiig vu dè Kandèlstroß vu Waldkilchè zum Gipfèlpass uf 1200 Metèr Höchi ghört mit sinènè 900 Metèr Höchèmetèr uf 10 km Längi zuè dè "raizvollstè" Radtourè (ums ämol positiv z'furmuleerè).
[ändere] Eraigniss rund um dè Kandèl
Dè obèr Dail vum Kandèlfelsè, die sognènnt Deifèlskanzlè, isch anno 1981, in dè Walpurgisnacht vum 30. April zum 1. Mai abbrochè. Etwa 2000 Kubikmetèr Gstai hän sich gleest un liigè zum Dail noch hüt undèrhalb vum Felsè.
Anno 2001 isch diè dritt Etappè vu dè Dytschlandtour iber dè Bèrg gangè, wo fèr ainigi Rènnfahrèr bsundèrs im undèrè Braich hindèrèm Aldèrsbach zuè èrè hèrtè Prüèfig worrè isch. Udo Bölts isch als èrster uffèm Gipfèlpass gsi.
Am 5. Dezember 2004 het sich im Ruum Südbadè ä Erdbebè vu dè Stärki 5,43 uf dè Richterskala eraignèt. S'Epizentrum isch etwa 12 km undèrèm Kandelmassiv glägè (luèg Artikèl bi Wikinews).
Am 13. August 2005 het im Rammè vu dè Regio-Tour ä Bèrgzittfahrè vu Waldkilchè uf dè Kandèl stattgfundè. Bester isch Tony Martin mit erè Zitt vu 33 Minuten un 43 Sekundè worrè. (Hobbyfahrèr bruchè nabzuès längèr).
