Fastenzeit
Us der alemannische Wikipedia, der freie Dialäkt-Enzyklopedy
Die chrischtlig Faschtazit isch die Zit zwischa Aschermittwoch und Ostern. Sie durat 40 Täg wobei die Sunntig nöd zählt werdend. In der Zit sött ma koa Fleisch und koane Süeßigkeita easa oder z.B. ufs röcha verzichta. Faschtabrecha währ denn albig am Sunntig.
Der religiees Zwäck vum Faschte isch: Mer soll si Geischt un si Wille stärke - so kammer besser Gott diäne un dr Verlockunge vu dr Wält (oder vum Dejfel) widerstoh.
Diä 40 Tag sin noch eme biblische Ereignis feschtglegt wore: Dr Jesus Chrischtus het emol 40 Dag in dr Wiäschti gfaschtet. Un verschiidene Verlockunge vum Dejfel widerstande. Noch em Mattäus-Evangelium uf Züridütsch het er im Deifel unter anderem zruck gä:
- "De Mäntsch läbt nöd nu vom Broot, näi, er läbt von all dem, wo Gott säit."
Aü anderi Religione känne Faschtezitte, im sunnitische Islam isch des dr Ramadan - do wird zwische Sunneufgang un Sunneuntergang nyt gässe un nyt drunke un ke Gschlächtsverkehr vollzoge. In dr Nachtstunde wird s Faschte broche. Kinder, Granki un Reisendi sin vum Faschte befrejt.
