Christopher Paolini
Us der alemannische Wikipedia, der freie Dialäkt-Enzyklopedy
 |
Dialäkt: Bärndütsch |
Christopher Paolini (*17. November 1983 in Südkalifornien) isch e amerikanische Autor.
[ändere] Läbe
Dr Christopher Paolini isch im Paradise Valley, Montana, mit sine Eutere, sinere jüngere Schwöschter Angela, dr Katz Otis und dr Hündin Annie uufgwachse. Dr Paolini isch deheim vo sine Eutere ungerrichtet worde, är het nie e öffentlichi Schuu bsuecht. D' Geschicht vom Eragon het aus Troum vomne 15 Jährige Teen aagfange. Sini Liebi für Fantasy heine dazue bewoge, säuber e Geschicht z schribe. Är het auerdings nie dra dänkt, die z veröffentleche; die Geschicht isch sis Hobby gsi. Aui Charaktere im Eragon stamme us sire Fantasie, usser dr Chrüterhäx Angela, die basiert uf sire Schwöschter Angela. Woner nach zwöi Jahr ds Buech sine Eutere zum läse gää het, si die beidruckt gsi vo dr Qualität vo däm Buech und hei beschlosse, ds Buech im chline eigeverlag z Drucke. Im nächschte Jahr si Paolinis dür di ganzi USA zoge, um ds Buech bekannt z mache. Totau 135 mau het dr Paolini ds Buch i Schuele, Bibliotheke und Buchläde vorgschteut. Im Summer 2002 het dr Carl Hiaasen ds Buch entdeckt und si Verleger, dr Alfred A. Knopf, druuf uufmerksam gmacht. Dä het d Rächt a Eragon uufkouft. Momentan schriibt dr Paolini am Band 3, dä sött im Herbscht 2007 erschine.
[ändere] Wärk
- Eragon - Das Vermächtnis der Drachenreiter
- Eragon - Der Auftrag des Ältesten
- Eragon - Band 3 (Herbscht 2007)
[ändere] Externi Links
- Paolini beim Random House-Verlag (deutsch)
