Christina Aguilera
Us der alemannische Wikipedia, der freie Dialäkt-Enzyklopedy
D Christina Maria Aguilera (*18. Dezember 1980 in Staten Island) esch e us-amerikanischi Sängeri. Bekannt esch si nebe erere musikalische Fähigkeite, vorauem dör eri unorthodoxi Chleidig worde. Si esch set em November 2005 metem Jordan Bratman verhüratet.
Inhaltsverzeichnis |
[ändere] Chendheit
D Christina Aguilera esch in Staten Island (New York)gebore worde. Si esch z Wexford, Pennsylvania ufgwachse. Ere Vater, de Fausto Wagner Xavier Aguilera, esch Onderoffizier i de U.S. Army gseh ond stammt vo Ecuador. Eri Muetter, d Shelly Loraine Fidler esch Spanisch-Öbersetzeri ond Violonisitin us Pittsburgh, Pennsylvania.
D' Öutere hend sech scheide loh, aus d Christina sechsi oder sebe Johr aut gseh esch, nachher hed si met erere jöngere Schwöschter Rachel ond erere Muetter im Hushaut vode Grossmuetter in Pittsburgh glebt. D Grossmuetter esch die erscht Person, wo die gsangleche Fähigkeite vode Christina entdeckt hed. Nachher hed d Christina agfange, a Talentwettbewerb teilznäh.
Während erere Ziit in Pittburgh hed si di amerikanisch Nationalhymne vor Speli vode Pittsburgh Steelers ond de Pittsburgh Pirates gsonge. Eri erscht grösseri Rolle ide Onderhautongsindustrie hed d Christina 1993 öberno, aus si bim Disney Channel de Mickey-Maus-Club moderiert hed. Det hed si onder anderem metde Britney Spears oder em Justin Timberlake zämegarbeitet. 1994 esch d Show aber igstöut worde ond d Christina hed agfange, Demos ufzneh, om e Schauplattevertrag zöbercho. Einigi vo dene Demos send im Zog vo erere spötere Erfoug under em Tetu "Just Be Free" gege ere eiget Welle veröffentlecht worde.
[ändere] Erschti Musikalischi Erfoug
1998 hed d Christina för de Disney-Föum Mulan de Song "Reflection" gsonge. De Song hed ide amerikanische Singlecharts Platz 19 erreicht! Es esch ide Christina ere erscht Erfoug gseh. Si esch för "Reflection" sogar före Golden Globe nominiert worde. Ide glich Woche hed si e Vertrag bi RCA Records öbercho.
[ändere] De Weutwiit Erfoug
"Genie In A Bottle" esch 1999 de Christina ere erscht kommerzielle Erfoug gseh. De Song hedsi öberd Nacht weutwiit erfougrich gmacht ond esch sofort i aune Charts ade Spetze gseh. S Aubom "Christina Aguilera" esch z Amerika meh aus 8 Millione mou verchouft worde. Drü Sengles vo dem Aubom send z Amerika of Platz 1 gstege!
Im Johr 2000 hed de d Christina die spanisch Version vo erem Debütaubom veröffentlecht. Im gliche Johr esch s Wiehnachtsaubom "My Kind of Christmas" veröffentlecht worde. Trotz erem Rieseerfoug esch d Christina met erem Image vom onschoudige Blondchen onzfrede gseh. Si hed öffentlech bekondet, dass eres nöchschte Aubom meh Tüüfgang werd ha, musikalisch wie textlech.
2001 hed de d Christina met erne Kolleginne Mya, Pink ond Lil'Kim de Weuthiit "Lady Marmalade" veröffentlecht. Si hed för de Song en Grammy gwonne. Es Duett metem Ricky Martin esch gfougt.
Am 29. Oktober 2002 hed de d Christina met Verzögerig eres nöie Aubom "Stripped" veröffentlecht. Es esch abwechsligsricher gseh aus s Debütaubom ond d Christina hed bi de meischte Lieder metgschrebe. Trotzdem eschs Aubom weutwiit en Erfoug worde. Singles wi "Dirrty", "Beautiful" oder "The Voice Within" send in auenort en Erfoug gseh, aber z Amerika seuber send vorauem d Singles weniger erfougriicher gseh aus die aute. Mettlerwile esch si vorauem dör eri unorthodoxi Chleidig ufgfaue.
Ade MTV Video Music Awards, hed d Christina met de Madonna kösst, was zomne chline Skandal gfüehrt hed.
2004 hed d Christina en Wechsu zomne erwachsenere Image onderzoge. Endi 2004 hed d Christina met "Car Wash" (met de Missy Elliott, Tetusong zom Kinoföum Grosse Haie - Kleine Fische) ond "Tilt Ya Head Back" (metem Nelly) veröffentlecht. Mettlerwile wartet d Fans scho gspannt of die nöi Single "Ain't No Other Man" ond s Aubom "Back To Basics" wom im Juni bzw. im August veröffentlecht werde.
[ändere] Diskografie
[ändere] Alben
| Johr | Tetu | Chart Positione | Amerkig | ||||
|---|---|---|---|---|---|---|---|
| DE | AT | CH | US | GB | |||
| 1999 | Christina Aguilera | 13 | 15 | 5 | 1 | 10 | Erstveröffentlichung: 24. August 1999 Verkäufe weltweit: 16.000.000 |
| 2000 | Mi Reflejo | ? | ? | 54 | 27 | ? | Erstveröffentlichung: 12. September 2000 Verkäufe weltweit: 6.000.000 |
| 2000 | My Kind Of Christmas | - | - | - | 28 | - | Erstveröffentlichung: 24. Oktober 2000 Verkäufe weltweit: 4.000.000 |
| 2001 | Just Be Free (von 1995) | - | - | - | 71 | - | Erstveröffentlichung: 21. August 2001 Verkäufe weltweit: 1.000.000 |
| 2002 | Stripped | 6 | 10 | 5 | 2 | 2 | Erstveröffentlichung: 29. Oktober 2002 Verkäufe weltweit: 13.000.000 |
| 2006 | Back to Basics | 1 | 1 | 1 | 1 | 1 | Erstveröffentlichung: 11. August 2006 Verkäufe weltweit: + 2.50 Mio. |
[ändere] Singles
| Johr | Tetel | Chart Positione | Amerkige | ||||
|---|---|---|---|---|---|---|---|
| DE | AT | CH | US | GB | |||
| 1998 | Reflection | - | - | - | 16 | - | Album: Christina Aguilera Video: Nigel Dick |
| 1999 | Genie In A Bottle | 2 | 1 | 2 | 1 | 1 | Album: Christina Aguilera Video: Diane Martel |
| 1999 | What A Girl Wants | 18 | 22 | 17 | 1 | 3 | Album: Christina Aguilera Video: Diane Martel |
| 1999 | The Christmas Song | - | - | - | 18 | - | Album: My Kind Of Christmas Video: - |
| 2000 | I Turn To You | 65 | 49 | 30 | 3 | 19 | Album: Christina Aguilera Video: Joseph Kahn |
| 2000 | Come On Over | 28 | 35 | 21 | 1 | 8 | Album: Christina Aguilera Video: Paul Hunter |
| 2002 | Nobody Wants To Be Lonely (mit Ricky Martin) |
5 | 13 | 2 | 48 | 4 | Album: Christina Aguilera Video: Wayne Isham |
| 2002 | Lady Marmalade (mit Mya, Pink & Lil' Kim) |
1 | 3 | 1 | 1 | 1 | Album: Moulin Rouge (OST) Video: Paul Hunter |
| 2002 | Dirrty (featuring Redman) |
4 | 5 | 3 | 45 | 1 | Album: Stripped Video: David LaChapelle |
| 2002 | Beautiful | 4 | 5 | 6 | 2 | 1 | Album: Stripped Video: Jonas Akerlund |
| 2003 | Fighter | 13 | 12 | 11 | 12 | 3 | Album: Stripped Video: Floria Sigismondi |
| 2003 | Can't Hold Us Down (featuring Lil' Kim) |
9 | 13 | 11 | 12 | 6 | Album: Stripped Video: David LaChapelle |
| 2003 | The Voice Within | 13 | 7 | 3 | 23 | 9 | Album: Stripped Video: David LaChapelle |
| 2004 | Car Wash (featuring Missy Elliott) |
6 | 11 | 5 | 24 | 4 | Album: Große Haie, Kleine Fische (OST) Video: - |
| 2004 | Tilt Ya Head Back (mit Nelly) |
27 | 42 | 16 | 23 | 5 | Album: Sweat Video: Little X |
| 2006 | Ain't No Other Man | 5 | 8 | 5 | 6 | 2 | Album: Back to Basics Video: Bryan Brown |
| 2006 | Hurt | 2 | 4 | 1 | 22 | 11 | Album: Back to Basics Video: Bryan Brown |
| 2006 | Tell Me (mit P. Diddy) |
? | ? | ? | ? | ? | Album: Back to Basics Video: Bryan Brown |
[ändere] DVD's
[ändere] Awards
[ändere] Grammy Awards
- 2000: Best New Artist: Christina Aguilera
- 2002: Best Pop Collaboration with Vocals: "Lady Marmalade"
- 2004: Best Female Pop Vocal Perfomance: "Beautiful"
[ändere] Latin Grammy Award
- 2001: Best Latin Pop Vocal Album: "Mi Reflejo"
