Madison
vanuit Wikipedia, die vrye ensiklopedie.
[wysig] Madison, Wisconsin
Madison http://www.ci.madison.wi.us/ is die hoofstad van Wisconsin, 'n staat van die VSA.
Die Universiteit van Wisconsin is in Madison gesetel maar het kampusse in 'n aantal ander stede in die staat. Die universiteit het onder andere sterk departemente van meganiese, elektriese, rekenaars, en chemiese ingenieurswese; onderweis en biologie. Daar is nagenoeg 160 000 studente by die universiteit ingeskryf en dit trek baie studente van oorsee.
Die hart van Madison is geleë op 'n landengte tussen Mononameer en Mendotameer. Die stad sprei uit langs die twee mere saam met 'n paar kleiner munisipaliteite. Die goewermentsgebou (Capitol) staan op die stadsplein op 'n heuwel in die middel van die landengte, omring deur laer geboue sodat dit altyd van ver af sigbaar is. Die plein word gedurende die somer ook vir kunsuitstallings, simfoniekonserte en parades gebruik.
Madison het 'n inwonertal van omtrent 220 000 in 2005 gehad.
Die stad het sy oorsprong in 1836 toe 'n eenmalige federale regter, James Doty, ongeveer 4km² gekoop het om Mendota-, Monona-, Waubesa-, en Kegonsamere. Hy het die staatswetgewers oortuig dat hulle hul hoofstad daar moet kom vestig wat hulle dan in November van die jaar besluit het om te doen.
Die stad se klimaat wissel tussen 'n dag temperatuur van om-en-by 30°C in die somer tot -20°C in die winter.
Vir ontspanning spandeer baie mense gedurende die somer tyd op die mere in hulle bote en in die omliggende dele op hulle fietse of in kampterreine. In die winter is die mere bevrore en word daar deur die ys vis gevang en op die ys geskaats.
Omliggende plase is tipies melkplase waar mielies, lusern, en sojaboontjies gegroei word as voer.
