Almaxhe
Èn årtike di Wikipedia.
Almaxhe (so plaece Almache, e francès Halmache) c' est l' no d' on rixhea do bassin d' Lesse, ki sourdêye sol pårteye Nôr di l' ancyin ptit ban d' Bayamont, poy londje les teréns d' Nayômé, passe å molén Djenon dvant d' ariver a Graide (co on molén), pu va so Poitchrece, après awè rascodou les aiwes ki vnèt d' Bive, passe å molén d' Herbwès, k' i fwait ossu tourner, tot come li pompe a aiwe ki fournit les batchs publiks di Poitchresse. I passe après a Djimbe et porshû djusk' å molén d' Dåvdisse, divant di rdjonde l' aiwe di Lesse on pô pus lon. C' est è shujhant l' Almaxhe kel ligne di tram a polou rmonter del Fåmene a l' Årdene.