எண்
கட்டற்ற கலைக்களஞ்சியமான விக்கிபீடியாவில் இருந்து.
எண் என்பது கணக்கிடப் பயன்படும் ஒரு அடிப்படையான நுண் கருத்துரு. கணிதத்துறையில் பலவகையான எண்கள் உள்ளன. நடைமுறையில் மிகவும் பழக்கமான எண்கள், எண்ணுவதற்குப் பயன்படும் எண்கள் இயற்கை எண்களாகும். இவை 0, 1, 2, ... என்பன. இவ்வெண் தொகுதியை (= கணத்தைக்) 'N' என்னும் சிறப்பெழுத்தால் குறிக்கப்படுகின்றது. இவற்றுடன் எதிர்ம எண்களையும் (-1, -2, -3, ...) சேர்த்து, முழு எண்கள் (integers) தொகுதி (= கணம்) என அழைக்கப்படுகின்றது. இதன் குறியீடு 'Z'. அரை, கால், ஒன்றேமுக்கால் என்பன போன்று முழு எண்களால் ஆன விகிதங்களால் குறிப்பிடப்படுவன ஒரு வகுகோட்டின் மேலும் கீழுமாக முழு எண்களால் குறிப்பிடப்படும் வகுனி எண்கள் (rational numbers) எனப்படும். இவை அரை கால், வீசம் போன்ற கீழ்வாய் எண்களாக அல்லது குறைஎண்களாக (பின்னங்கள், பிள்வங்கள்) இருக்கலாம், அல்லது 7/3, 21/6 என்பன போன்று ஒன்றின் மிகையான எண் அளவைக்குறிக்கும் எண்களாகவும் இருக்கலாம். இவ் வகுனி எண்களை 'Q' என்னும் எழுத்த்தால் குறிக்கப்படுகின்றது. இவையன்றி, மெய் எண்கள் (real numbers) என்பனவும் உண்டு. மெய் எண்களை 'R' என்று குறிக்கிறார்கள். கடைசியாக செறிவெண்கள் (complex numbers) என்னும் ஒரு வகை எண்களும் உண்டு. இவை ஒரு மெய்யெண்ணும், ஒரு கற்பனையான ஒர் எண்ணும் சேர்ந்த ஒரு கூட்டு எண். இவை 'C' என்று குறிக்கப்படுகின்றன. எனவே இவ்வென் வகைகளின் தொடர்பு கீழே காட்டிய வாறு உள்ளது:
எண்கள், இலக்கங்களிலிருந்து வேறுபட்டவை. இலக்கங்கள் எண்களைப் பிரதிநிதித்துவப்படுத்தும் குறியீடுகளாகும். தொடரான தானங்களாக அமையும் எண்குறியீட்டு முறை, இலக்க முறைமைகள் என்னும் தலைப்பின் கீழ் ஆராயப்படுகின்றது. மக்கள் சிலசமயம் பொருட்களுக்கு, எண்கள் மூலம் தனித்துவமான பெயர்களை வழங்க விரும்புகிறார்கள். பல வகையான எண்களிடும் முறைகள் புழக்கத்தில் உள்ளன.
[தொகு] விரிவு
- hyperreal numbers
- surreal numbers
- p-adic numbers
- cardinal numbers
[தொகு] குறிப்பிட்ட எண்கள்
எண்களின் பட்டியல், கணித மாறிலிகள், ஒற்றை, இரட்டை எண்கள், நேர் எண்களும், மறை எண்களும், சிறிய எண்கள், பெரிய எண்கள், அளவு (எண்கள்) அடிப்படையிலான வரிசை, முதன்மை எண்கள்
[தொகு] பின்வருவனவற்றையும் பார்க்கவும்
- பல்வேறு மொழிகளில் எண்கள்
- எண்ணுருக்கள் (Numerals)
- பின்னங்கள்