Ostal d'Occitània
Un article de Wikipèdia, l'enciclopèdia liura.
L'Ostal d'Occitània es un centre cultural occitan de Tolosa, dins los locals renovats de l'ostal de Boisson a l'11, carrièra Malcosinat. L'inaugurèron lo 16 de decembre de 2006. Los luòcs assostan en realitat dos ancians ostals particulars: Los ostals diches de Boisson e de Cheverrí.
La restauracion es estat finançada gràcia al concors de l'ostal de comuna de Tolosa (63%), del conselh general de Garona nauta (23%) e del conselh regional de Miègjorn Pirenèus (14%).
Es administrat per l'associacion Convergéncia occitana que preveu tres tipes d'utilizacion:
- Luòc de trabalh associatiu.
- Luòc de difusion; botiga e librariá.
- Luòc cultural dobert al public; exposicions, conferéncias, espectacles.
L'autra partida de l'"Ostal d'Occitània" es actualament en cors d'òbras. S'agís de l'anciana annèxa del collègi Clémence Isaure, carrièra del Pont de Tonis ont seràn installats lo conservatòri Occitan, l'escòla Calandreta Sent Çubran e la sala polivalenta gerida per la Convergéncia occitana.
