Capitol
Un article de Wikipèdia, l'enciclopèdia liura.
Los capitols èran pendent tota l'Edat Mejana e fins a 1789 los oficiars municipals de la vila de Tolosa. L'establissament del parlament de Tolosa al sègle XIV, redusèt fòrça lor autoritat. Lo 17 de novembre de 1400, los Capitols de Tolosa obtenguèron del rei Carles VI d'èsser tornarmai al nombre de dotze. Amb la Revolucion francesa, lo capitol es dissolt al meteis temps que lo parlament de Tolosa.
[Modificar] Istoric
Aquesta institucion data del comte Amfós Jordan, lo filh de Raimon IV de Tolosa. Los conselhers del comte forman amb los jutges del comte lo capitol dich lo capitolum. Aqueste capitol al temps de las crosadas jutja los procèsses entre mercands. Los membres d'aqueste collègi municipal adoptan lo títol de consols, puèi de capitols.
En 1147, Amfós Jordan redigís los privilègis e fixa a 24 lo nombre dels consols. En 1188, los capitols profitan d'una guèrra entre Raimon V de Tolosa e los reis d'Anglatèrra e d'Aragon per obténer l'autonomia.
Tre 1190, compran una seria d'ostals per ne far l'ostal comun, lo capitòli que pòrta encara aqueste nom uèi.
En 1438, la vila es devesida en uèit capitolats. Los capitols son elegits lo 25 novembre e aquò per un an. En 1645, lo rei nomena dempuèi París los capitols malgrat las remostrancas de la vila qu'estima que pòt elegir soleta sos magistrats. En 1692, lo rei vol impausar de capitols perpetuals mas en 1700 lo sistèma torna a son organizacion tradicionala.
Lo 14 septembre de 1789, los capitolats son remplaçats per quintze seccions e los capitols son suprimits. L'assemblèa novèla compòrta çaquelà de nòbles e de borgeses. Es Joseph de Rigaud qu'es elegit cònse lo 28 de febrièr de 1870.
[Modificar] Los capitolats
La vila es devesida en uèit capitolats e cada Capitol arborava una color en fonccion del barri que representava :
- Lo barri de la Daurada en verd e blanc,
- Lo barri Pèire Sant-Geraud en negre,
- Lo barri de Sant-Estève en violet,
- Lo barri de la Dalbada en incarnat,
- Lo barri del Pont-vièlh en irange,
- Lo barri de Sant-Sernin en jaune,
- Lo barri de Sant-Pèire de las Cosinas en blau,
- Lo barri de Sant-Bartomieu en amaranta.
