Trikuspidalklaff
Frå Wikipedia – det frie oppslagsverket
Trikuspidalklaffen, eller treseglsklaffen (latin valva tricuspidalis), er ein hjarteklaff som regulerar blodstraumen mellom høgre forkammer og høgre hjartekammer. Han har normalt frå to til fire segl som går frå overgangen mellom for- og hjartekammer og ned i hjartekammeret. Segla går over sener (lat. chordae tendineae) som er festa med papillemusklar både i skiljeveggen og den frie veggen i hjartekammeret. Klaffen fungerar som inngongen i ei teine og let blodet gå frå forkammer til hjartekammer, men ikkje attende. At klaffen "skrevar" over hjartekammeret gjer at han lettare enn mitralklaffen lekk dersom hjartekammeret blir utvida.
Trikuspidalklaffen er den fyrste klaffen blodet møter når det kjem frå kroppen. Mikroorganismar slår seg derfor lettast ned der, og han er derfor den vanlegaste staden for betennelsar og påleiringar hos utsatte grupper som sprøytenarkomane og dei med svekka immunforsvar.
 |
Denne biologiartikkelen er ei spire. Du kan hjelpe Nynorsk Wikipedia å vekse seg stor og sterk gjennom å utvide han.
Sjå òg: Oversyn over biologispirer. |
