രാം പ്രസാദ് ബിസ്മില്‍
വിക്കിപീഡിയ, ഒരു സ്വതന്ത്ര വിജ്ഞാനകോശം.
ഭാരതത്തിന്റെ സ്വാതന്ത്ര്യ സമരചരിത്രത്തിലെ അവിസ്മരണീയമായ കാക്കോരി തീവണ്ടി കവര്‍ച്ചയിലെ(ഓഗസ്റ്റ് 9, 1925, ഉത്തര്‍പ്രദേശ്)[1]പ്രധാനിയായ സ്വാതന്ത്ര്യ സമരസേനാനിയായിരുന്നു രാം പ്രസാദ് ബിസ്മില്‍. അദ്ദേഹം പ്രതിഭാധനനായിരുന്ന ഒരു കവിയും തികഞ്ഞ ദേശസ്നേഹിയുമായിരുന്നു. സ്വതന്ത്രയായ ഒരു ഭാരതം സ്വപ്നം കണ്ട ആദര്‍ശധീരന്മാരുടെ കൂടെ അദ്ദേഹം ചേരുകയും ആ സ്വപ്നം സാക്ഷാത്കരിക്കാനായി തന്നാലാവുന്നതെല്ലാം കെഹ്യ്യുകയും ചെയ്തു. അഷ്‌ഫഖുള്ള ഖാന്‍, ചന്ദ്രശേഖര്‍ ആസാദ്‌, ഭഗവതി ചരണ്‍, രാജ്ഗുരു തുടങ്ങിയ പ്രമുഖരും മറ്റു കൂട്ടാളികളുമായി ചേര്‍ന്ന് ബിസ്മില്‍ ബ്രിട്ടീഷ്‌ ഭരണത്തിനെതിരേ പല പ്രതിഷേധ, പ്രതിരോധ പരിപാടികളും ആസൂത്രണം ചെയ്യുകയും നടപ്പാക്കുകയും ചെയ്തിരുന്നു. ബ്രിട്ടീഷ്‌ ഭരണത്തിനെതിരെയുള്ള ലഘുലേഖകള്‍ അവര്‍ അച്ചടിച്ച്‌ വിതരണം ചെയ്യുകയുക, വിപ്ലവകാരികള്‍ക്ക്‌ അഭയം നല്‍കുക, കൈബോംബുകള്‍ ഉണ്ടാക്കുക എന്നു തുടങ്ങി സ്വാതന്ത്രം എന്ന പരമലക്ഷ്യത്തിനു വേണ്ടി പ്രവര്‍ത്തിച്ചിരുന്ന ബിസ്മിലും കൂട്ടരും ബ്രിട്ടീഷ്‌ സര്‍ക്കാരിനെ നിരന്തരം അലട്ടിയിരുന്ന ഒരു തലവേദനതന്നെയായിരുന്നു. ഇവരുടെ പ്രവര്‍ത്തനങ്ങളില്‍ വളരെ ശ്രദ്ധേയമായവ കാക്കോരി തീവണ്ടി കവര്‍ച്ചയും പഞ്ചാബ്‌ നിനമസഭയുടെ നേര്‍ക്ക്‌ നടത്തിയ ബോംബാക്രമണവുമാണ്‌.
'ബിസ്മില്‍' എന്നത്‌ രാം പ്രസാദിന്റെ തൂലികാ നാമമായിരുന്നു. ബിസ്മില്‍ എന്ന പേരില്‍ അദ്ദേഹം നിരവധി ഹിന്ദി/ഉറുദു കവിതകള്‍ എഴിതിയിട്ടുണ്ട്‌. അദ്ദേഹത്തിന്റെ ആത്മകഥയുടെ ഒടുവില്‍ അദ്ദേഹം ചില തിരഞ്ഞെടുത്ത കവിതകളും ചേര്‍ത്തിട്ടുണ്ട്‌.രാം പ്രസാദ് ബിസ്മില്‍ എഴുതിയ ഓരോ വരിയും രാഷ്ട്രപ്രേമം തുടിക്കുന്നവയായിരുന്നു. അദ്ദേഹത്തിന്റെ “सरफरोशी की तमन्ना“ (സര്‍ഫരോഷി കി തമന്നാ) എന്നു തുടങ്ങുന്ന കവിത പ്രശസ്തമാണ്.
[തിരുത്തുക] അവലംബം
- ↑ Kakori train robbery. ശേഖരിച്ച തീയതി: 2006-12-12.
-
ഈ താള്‍ പൂര്‍ണ്ണമല്ല, ഇതു പൂര്‍ണ്ണമാക്കുവാന്‍ വിക്കിപീഡിയ സംരംഭത്തില്‍ പങ്കാളിയാവുക (ശ്രദ്ധിക്കുക: നവാഗതര്‍ക്ക് സ്വാഗതം, സഹായക താളുകള്‍ ,ഈ ലേഖനത്തിന്റെ ഇംഗ്ലീഷ് പതിപ്പ്)
