മംഗളം(സ്ഥാപനം)
വിക്കിപീഡിയ, ഒരു സ്വതന്ത്ര വിജ്ഞാനകോശം.
കേരളത്തിലെ പ്രമുഖ പ്രസിദ്ധീകരണ ശാലകളിലൊന്നാണ് മംഗളം. ആസ്ഥാനം കോട്ടയം
1969-ല് എം.സി.വര്ഗീസ് കോട്ടയത്ത് കോളജ് റോഡില് തുടക്കമിട്ട മംഗളം ഇന്ന് ദിനപത്രവും വിവിധ പ്രസിദ്ധീകരണങ്ങളും വിദ്യാഭ്യാസ സ്ഥാപനങ്ങളും മറ്റ് വ്യവസായങ്ങളുമായി വളര്ന്നിരിക്കുന്നു.
ഉള്ളടക്കം |
[തിരുത്തുക] മംഗളം വാരിക
1969-ലാണ് മംഗളം വാരികയുടെ തുടക്കം. സാധാരണക്കാര്ക്കു മനസിലാകുന്ന തരത്തിലുള്ള കഥകളും കവിതകളും ലേഖനങ്ങളും മറ്റുമായിരുന്നു ഇതിന്റെ ഉള്ളടക്കം. അക്കാലത്ത് സാധാരണക്കാര്ക്ക് വേണ്ടിയുള്ള ഇത്തരം പ്രസിദ്ധീകരണങ്ങള് കുറവായിരുന്നതിനാല് മംഗളം വളരെ വേഗത്തില് പ്രചാരം നേടി. വിവിധ മേഖലക്കളില് ജോലി ചെയ്യുന്നവരെക്കുറിച്ചുള്ള സചിത്ര ലേഖനങ്ങള്, സമകാലിക സംഭവങ്ങളെക്കുറിച്ചുള്ള വിശദാംശങ്ങള് അടങ്ങിയ ലേഖനങ്ങള്, ജനപ്രിയ നോവലുകള്, രോഗികളെ സഹായിക്കാനുള്ള പംക്തി, സാരോപദേശങ്ങള് എന്നിങ്ങനെ വിപുലമായിരുന്നു ഉള്ളടക്കം. വളരെ വേഗത്തില് പ്രചാരം കൈവരിച്ച മംഗളം എണ്പതുകളുടെ മധ്യത്തില് ഒരാഴ്ച 18 ലക്ഷം കോപ്പി വിറ്റഴിച്ച് റിക്കാര്ഡ് നേടി. ഏറെ നാള് ഈ ഒന്നാം സ്ഥാനം നിലനിറുത്താനും മംഗളത്തിനായി. നിരവധി ജീവകാരുണ്യ പ്രവര്ത്തനങ്ങളും മംഗളത്തിന്റെ നേതൃത്വത്തില് നടത്തിയിരുന്നു. വായനക്കാരില് നിന്ന് ഒരാഴ്ച 10 പൈസ വീതം അധികം ഈടാക്കി നാലാഴ്ച കൊണ്ട് സമാഹരിച്ച പണം ഉപയോഗിച്ച് കോട്ടയം മെഡിക്കല് കോളജിനോടനുബന്ധിച്ച് പണിത കാന്സര് വാര്ഡാണ ഇതില് പ്രധാനം. മംഗളത്തില് ഓരോ ആഴ്ചയും പ്രസിദ്ധീകരിക്കുന്ന വിധിയുടെ ബലിമൃഗങ്ങള് എന്ന പംക്തി രോഗങ്ങളാല് കഷ്ടപ്പെടുന്നവരെ പരിചയപ്പെടുത്തുന്നതാണ്. ഈ പംക്തിയിലേക്ക് നിരവധി വായനക്കാര് പണം അയച്ച് നല്കുന്നത് അതത് രോഗികള്ക്ക് എത്തിച്ച് നല്കുന്നുമുണ്ട്.
[തിരുത്തുക] മംഗളം ദിനപത്രം
1989 മാര്ച്ചിലാണ് മംഗളം ദിനപത്രം പ്രസിദ്ധീകരണം തുടങ്ങുന്നത്. സാധാരണക്കാരെ ലക്ഷ്യമിട്ട് തുടങ്ങിയ പത്രത്തിന ഒരു രൂപയായിരുന്നു തുടക്കത്തിലെ വില. ജോയ് തിരുമൂലപുരം എഡിറ്ററും കെ.എം.റോയ് ജനറല് എഡിറ്ററുമായിരുന്നു. ഒരുലക്ഷത്തിനു മേല് കോപ്പികളുമായായിരുന്നു തുടക്കമെങ്കിലും വാരികയുടേതു പോലെ ശ്രദ്ധ നേടാന് കഴിഞ്ഞില്ല. 2001 സെപ്റ്റംബറില് പത്രത്തിന്റെ വില ഒന്നര രൂപയാക്കി കുറച്ചു. പക്ഷം ചേരാതെയുള്ള വാര്ത്താവിതരണത്തോടെ മംഗളം വളരെ വേഗത്തില് ശ്രദ്ധ നേടി. ഇതോടെ പ്രചാരവും വര്ധിച്ചു. പിന്നീട് രണ്ടു തവണ വിലകൂട്ടിയെങ്കിലും കേരളത്തില് ഏറ്റവും വിലക്കുറവുള്ള പത്രം മംഗളമാണ്. ഇപ്പോള് രണ്ടര രൂപയാണ് വില. കോട്ടയത്തിനു പുറമേ കോഴിക്കോട്,കൊച്ചി,തിരുവനന്തപുരം എന്നിവിടങ്ങളിലും എഡീഷനുകളുണ്ട് വിവിധ കാലയളവില് മാടവന ബാലകൃഷ്ണപിള്ള, കുര്യന് പാമ്പാടി, രാമചന്ദ്രന് എന്നിവര് എഡിറ്റര്മാരായിരുന്നു. ഇപ്പോള് രാജു മാത്യു ആണ് ഡപ്യൂട്ടി എഡിറ്റര്. സ്ഥാപക ചീഫ് എഡിറ്റര് എം.സി.വര്ഗീസിന്റെ മരണ ശേഷം സാബു വര്ഗീസ് ചീഫ് എഡിറ്റര് ആയി. സാജന് വര്ഗീസ് മാനേജിംഗ് ഡയറക്ടറും സജി വര്ഗീസ് എഡിറ്ററും ബിജു വര്ഗീസ് മാനേജിംഗ് എഡിറ്ററുമാണ്.
[തിരുത്തുക] ബാലമംഗളം
കുട്ടികള്ക്ക് വേണ്ടിയുള്ള മംഗളം പ്രസിദ്ധീകരണമാണ് ബാലമംഗളം. ചിത്രകഥകള്, സാരോപദേശകഥകള്, സോദ്ദേശ്യ കഥകള്, കുട്ടികളുടെ ബുദ്ധി വികാസത്തിനുതകുന്ന പംക്തികള് എന്നിവയാണ് ഉള്ളടക്കം. ബാലമംഗളത്തിലെ ഡിങ്കന് എന്ന കഥാപാത്രം ഉള്ള ചിത്രകഥ കുട്ടികള്ക്ക് ഏറെ ഇഷ്ടമാണ്. മാസികയായി തുടങ്ങിയ ബാലമംഗളം ഇപ്പോള് വാരികയാണ്. ദ്വൈവാരികയായി ബാലമംഗളം ചിത്രകഥയും പ്രസിദ്ധീകരിക്കുന്നുണ്ട്.
[തിരുത്തുക] കന്യക
വനിതകള്ക്ക് വേണ്ടിയുള്ള ദ്വൈവാരികയാണ് കന്യക. മാസികയായി തുടങ്ങിയെങ്കിലും പിന്നീട് ദ്വൈവാരികയായി. സ്ത്രീകളുടെ ജീവിതത്തെ ബാധികുന്ന വിവിധ കാര്യങ്ങള്, കുടുംബജീവിതത്തെ സംബന്ധിച്ച വിഷയങ്ങള്, കുട്ടികളുടെ പരിപാലനം, ആരോഗ്യം തുടങ്ങിയവയാണ് ഉള്ളടക്കം.
[തിരുത്തുക] സിനിമാമംഗളം
സിനിമയുമായി ബന്ധപ്പെട്ട വിഷയങ്ങളാണ് ഈ വാരികയിലെ ഉള്ളടക്കം.
[തിരുത്തുക] ജ്യോതിഷഭൂഷണം
ജ്യോതിഷ വിഷയങ്ങള് പ്രസിദ്ധീകരിക്കുന്ന മാസികയാണിത്.
[തിരുത്തുക] വിദ്യാഭ്യാസ സ്ഥാപനങ്ങള്
വിവിധ വിദ്യാഭ്യാസ സ്ഥാപനങ്ങള് മംഗളം എഡ്യൂക്കേഷന് സൊസൈറ്റിയുടെ കീഴിലുണ്ട്. മംഗളം എഞ്ചിനീയറിംഗ കോളജ്, എം.എഡ്-ബി.എഡ്. കോളജൂകള്, ഹയര് സെക്കന്ഡറി സ്കൂള് എന്നിവ മംഗളത്തിനുണ്ട്.
[തിരുത്തുക] ആരോഗ്യ സ്ഥാപനങ്ങള്
കോട്ടയം, ഗാന്ധി നഗര്(കോട്ടയം), പാലക്കാട് എന്നിവിടങ്ങളില് മംഗളത്തിന്റെ ഉടമസ്ഥതയില് ഡയഗ്നോസ്റ്റിക് സെന്ററുകളുണ്ട്.