ജോര്‍ജ് വിയ
വിക്കിപീഡിയ, ഒരു സ്വതന്ത്ര വിജ്ഞാനകോശം.
ജോര്‍ജ് വിയ ലൈബീരിയയില്‍ നിന്നുള്ള ഫുട്ബോള്‍ താരമാണ്. ആഫ്രിക്കന്‍ വന്‍‌കരയില്‍ നിന്നുള്ള എക്കാലത്തെയും മികച്ച ഫുട്ബോളറായി വിലയിരുത്തപ്പെടുന്നു. 1995-ല്‍ ഫിഫ ലോക ഫുട്ബോളര്‍, യൂറോപ്യന്‍ ഫുട്ബോളര്‍, ആഫ്രിക്കന്‍ ഫുട്ബോളര്‍ എന്നീ ബഹുമതികള്‍ കരസ്ഥമാക്കി ശ്രദ്ധേയനായി. ലോകമറിയുന്ന ഫുട്ബോള്‍ താരമായിട്ടും സ്വന്തം രാജ്യത്തെ ഒരിക്കല്‍‌പോലും ലോകകപ്പിന്റെ ഫൈനല്‍‌റൌണ്ടിലെത്തിക്കാന്‍ വിയയ്ക്കു കഴിഞ്ഞില്ല. അദ്ദേഹത്തിന്റെ പ്രതിഭാ ദാരിദ്ര്യം കൊണ്ടല്ല, മറിച്ച് വിയ ഒഴികെ ലോകോത്തര നിലവാരമുള്ള കളിക്കാരൊന്നും ലൈബീരിയയിലില്ലാത്തതുകൊണ്ടാണിത്. ഫുട്ബോളില്‍ നിന്നും നേടിയ സമ്പത്തിലധികവും മാതൃരാജ്യത്ത് വികസന പ്രവര്‍ത്തനങ്ങള്‍ക്കായി ചിലവഴിച്ചു. 2006ല്‍ ലൈബീരിയന്‍ പ്രസിഡന്റ് സ്ഥാനത്തേക്കു മത്സരിച്ചെങ്കിലും പരാജയപ്പെട്ടു.
-
ഈ താള്‍ പൂര്‍ണ്ണമല്ല, ഇതു പൂര്‍ണ്ണമാക്കുവാന്‍ വിക്കിപീഡിയ സംരംഭത്തില്‍ പങ്കാളിയാവുക (ശ്രദ്ധിക്കുക: നവാഗതര്‍ക്ക് സ്വാഗതം, സഹായക താളുകള്‍)
