Maria Theresia vun Éisträich
Vu Wikipedia, der fräier Enzyklopedie.
| Maria Theresia vun Éisträich 13. Mee 1717 – 29. November 1780 |
||||||
 |
||||||
| Erzherzogin vun Éisträich | ||||||
|---|---|---|---|---|---|---|
|
||||||
|
D' Maria Theresia vun Éisträich, gebuer den 13. Mee 1717 zu Wien, an do gestuerwen den 29. November 1780, war Äerzherzogin vun Éisträich (1740 - 1780), Kinnigin vun Ungarn (1741 - 1780), a Kinnigin vu Béimen (1743 - 1780).
Obschonn dacks als Keeserin genannt, war d'Maria Theresia nimools Keeserin vum Hellege Réimesche Räich.
Si war déi eelsten Duechter vum Karl VI. (1685 - 1740). Hire Brudder Leopold (*1716), den eenzege männlechen Trounfolger, ass 1716 verstuerwen. Doduerch huet si, nom Doud vum Karl VI. (1740), sämtlech Herrschafte vun den Habsburger geierft. Dat war och de Grond fir den éisträicheschen Ierffollegkrich.
1736 ass si mam François III., Herzog vu Loutrengen, (1708 zu Nanzeg - 1765 zu Innsbruck), bestuet gin. Dodurch ass d'Linn Habsburg-Loutrengen entstan an de François III. gëtt als Franz I. Stephan 1745 zum Keeser gewielt. Vun deem Moment un huet d'Maria Theresia sech och als Réimesch Keeserin betitelt.
D'Maria Theresia stierft den 29. November 1780 am Alter vun 63 Joer.
[Änneren] Kanner
D'Maria Theresia hat 16 Kanner (11 Meedercher, 5 Jongen):
- Maria Elisabeth (* 5. Februar 1737; † 7. Juli 1740)
- Maria Anna (* 6. Oktober 1738; † 19. November 1789)
- Maria Karolina (* 12. Januar 1740; † 25. Januar 1741)
- Joseph II. (* 13. Mäerz 1741; † 20. Februar 1790)
- Marie Christine (* 13. Mee 1742; † 24. Juni 1798), 1766 bestuet mam Herzog Albert vun Sachsen-Teschen (1738-1822)
- Marie Elisabeth (* 13. August 1743; † 25. September 1808), Äbtissin zu Innsbruck
- Karl Joseph (* 1. Februar 1745; † 18. Januar 1761)
- Maria Amalia (* 26. Februar 1746; † 18. Juni 1804), 1769 bestuet mam Herzog Ferdinand vu Parma (1751-1802)
- Leopold II. (* 5. Mee 1747; † 1. Mäerz 1792)
- Karolina (*/† 17. September 1748)
- Johanna Gabriela (* 4. Februar 1750; † 23. Dezember 1762), verlobt mam Ferdinand I., Kinnek vu Sizilien (1751-1825)
- Josepha (* 19. Mäerz 1751; † 15. Oktober 1767), och verlobt mam Ferdinand I., Kinnek vu Sizilien
- Maria Karolina (* 13. August 1752; † 7. September 1814), 1768 bestuet mam Ferdinand I., Kinnek vu Sizilien
- Ferdinand (* 1. Juni 1754; † 24. Dezember 1806), bestuet mam Maria Beatrice d'Este, Ierwin vum Herzogtum Modena
- Marie Antoinette (Maria Antonia) (* 2. November 1755; † 16. Oktober 1793), 1770 bestuet mam Louis XVI., Kinnek vu Frankräich (1754-1793)
- Maximilian Franz (* 8. Dezember 1756; † 27. Juli 1801), Äerzbëschof, Kurfürst vu Köln
| Virgänger: Karl III. |
Kinnigin vun Ungarn 1740 - 1780 |
Nofolger: Joseph II. |
| Virgänger: Karl Albrecht |
Kinnigin vu Béimen 1743 - 1780 |
Nofolger: Joseph II. |
