Rapa das Bestas de Sabucedo
Na Galipedia, a wikipedia en galego.
A Rapa das Bestas é o nome do curro que cada ano se celebra en Sabucedo, no territorio do concello da Estrada durante tres días, o primeiro sábado, domingo e luns de Xullo.
Na actualidade ten máis de 600 cabalos garañóns, divididos en 14 mandas, que viven ceibos nunha extensión de máis de 200 km2 de monte. Esta celebración consiste, coma noutros curros, en recoller os cabalos do monte, metelos ao curro, rapalos e marcalos. Ademais trátase a venda dalgúns exemplares que proporciona os ingresos procedentes desta actividade. O de Sabucedo é o curro máis coñecido e presenta ademais trazos propios que o diferencian dos outros.
A rapa é realizada polos aloitadores. O acto da Rapa é asemade segundo o estudioso Manuel Cabada, unha iniciación simbólica do paso do neno á mocidade, ao agarrar por primeira vez un poldro guiado e dirixido polos maiores.
[editar] Historia
Xa a principios do século XVIII se teñen noticias da primeira celebración festiva da baixa das bestas do monte, a súa posterior rapa e o marcado dos poldros novos.
