Dena, Meaño
Na Galipedia, a wikipedia en galego.
Atención: Este artigo precisa un traballo de revisión.
Por favor vexa a lista de Artigos con problemas e mellóreo de acordo coas indicacións que aparecen nesa páxina. Cando os problemas se resolvan retire esta mensaxe e borre a páxina da lista de artigos con problemas, pero por favor non quite esta mensaxe ata que estea todo solucionado.
Santa Eulalia de Dena, límites: Castrelo (Cambados), Padrenda e Xil ó Norte, Vilalonga (Sanxenxo) e a Ría de Arousa ó Oeste, Xil, Meaño e Lores ó Este e Nantes (Sanxenxo) ó Sur.
Situada na parte baixa do Concello, a Parroquia de Dena configúrase como a de maior extensión e a única en contacto co mar. Os seus principais accidentes costeiros son as praias de Fianteira, Seixiño e A Chanca, esta última onde desemboca o río co mesmo nome.
O paso da estrada comarcal C-550 permitiu un importante desenvolvemento socioeconómico da parroquia, especialmente do núcleo urbán de Dena, onde se congregan algunhas das máis importantes empresas da zona, así como un cada vez máIs crecente sector de servicios.
Dena é a parroquia máis importante do concello de Meaño, pois ela soa ten máis habitantes que as otras seis parroquias xuntas. Conta cunha boa e desenvolvida industria e boa conectividade para o resto das parroquias limítrofes. É tamén a única parroquia do concello que dá ao mar, e dálle nome á entrada de auga que fai a desembocadura do río de A Chanca, diante da illa da Toxa, o que todos coñecen co nome de Ría de Dena; esta pecualiaridade fai a Dena moi distinta do resto do concello, onde normalmente a economía está concentrada na agricultura. Dena xa tiña, en tempos antigos, outra forma de sustentación dos seus poboadores. Con telleiras, serradoiros, fábricas de ladrillos e outras actividades, coma a pesca o marisqueo, ect. Hoxe, Dena vive moito do turismo, con moitos churrascos, restaurantes e algúns hoteis, pero a súa principal actividade é sen dúvida a industria, conservas, materiais de construcción e unha imparábel oferta inmobiliaria. No concello goberna o PP con Jorge Domínguez, o segundo partido máis votado é o BNG e o terceiro o PSOE.En Dena poderemos disfrutar da boa gastronomía en calquera dos numerosos asadores que combinan a carne con algúns dos mellores mariscos da zona.
A festividade de Santa Lucía, avogada da vista, que se celebra o 13 de decembro, a paisaxe da ría ó atardecer, e as súas numerosas mostras de arte rural son algúns dos atractivos da parroquia, ademáis dos magníficos viños da zona.
