Alcione
Na Galipedia, a wikipedia en galego.
Alcione figura da mitoloxía grega, filla de Eolo, dona de Ceix, rei de Traquine.
Alcione e Ceix vivían felices, ata que Ceix alertado por un presaxio parte cara Claro para consultar o oráculo de Apolo, durante a viaxe perece nun naufraxio, Alcione, desesperada, guíndase ao mar. Compadecéndose deles, os deuses, convértenos en martiños peixeiros. Cando Alcióne fixo o seu niño nunha praia as ondas destrúeno, polo que Eolo calmou os ventos e fixo as ondas parar setes días antes e despois do solsticio de inverno, para que ela puidera deixar os seus ovos, eses son os días coñecidos como os días do Alción.