1129

Na Galipedia, a wikipedia en galego.

**1129**
Calendario gregoriano	1129 MCXXIX
Ab urbe condita	1882
Calendario armenio	578
Calendario chinés	3825 – 3826
Calendario hebreo	4889 – 4890
Calendarios hindúes - Vikram Samvat - Shaka Samvat - Kali Yuga	1184 – 1185 1051 – 1052 4230 – 4231
Calendario persa	507 – 508
Calendario musulmán	523 – 524
Calendario rúnico	1379

[editar] Acontecementos

[editar] Europa

Concilio de Troyes, que aproba a regra dos Templarios.
O jarl dinamarqués de Schleswig, Knud Lavard, submete os Obodritas e faise proclamar rei deles, baixo a soberanía do emperador Lotario II.

[editar] Asia

Os djÜrchet rematan a conquista do norte da China e atravesan o Yang-tse-kiang por dous lugares até o Jiangxi e Nakin].

[editar] Oriente Próximo

O atabek de Damasco, Bouri, fai executar o visir al-Mazdaghani, protector dos asasinos (batinís). Os partidarios da secta son masacrados polo populacho. Os seus xefes son crucificados sobre as almeas das murallas. Segundo o cronista Ali Ibn al-Athîr, al-Mazdaghani e os asasinos pretendíanlle entregar a vila aos francos a cambio de Tiro e foi ao ter noticia do complot que Bouri decidiu actuar. Os poucos batinís supervivintes instálanse na Palestina baixo a protección de Balduíno II de Xerusalén após lle ter entregado a fortaleza de Banias, na rota entre Xerusalem e Damasco.

Varias semanas máis tarde, un exército de 10.000 cabaleiros e fantasíns francos chegados da Palestina, a Antioquía, Edesa e o condado de Trípoli preséntanse frente a Damasco. Bouri reorre ás presas ás bandas de nómadas turcos e a algunhas tribos árabes para rexeitar o ataque. Varios miles de francos, que se dedicaran á pillaxe na chaira da Ghouta, son sorprendidos polo ataque. Balduíno abandona o continxente e reagrupa as súas tropas para unha nova tentativa. Unha tempestade se abate sobre a rexión e transfórmaa nun inmenso lago de lama (comezos de setembro). Non pudendo avanzar, Balduíno ordena a retirada.

Zanki, amo de Aleppo, invita a Bouri de Damasco a participar nunha expedición contra os francos. Sawinj, fillo de Bouri chega a Aleppo con 500 cabaleiros. Zanki tómaos como reféns e ameaza con matalos se Bouri o atraizoa. Sawinj non será liberado máis que dous anos máis tarde.

[editar] Arte e cultura

Disólvese a comunidade da abadía de mulleres de Argenteuil. A abadesa, Heloísa, conduce unha parte das monxas a Champagne a un convento fundado por Abelardo baixo a advocación de Paracleto (Santo Espírito consolador).