Federico Krutwig
Wikipedia(e)tik
Getxon jaio zen 1921ean eta bertan hil 1998ko azaroaren 15ean. Ekialdeko hizkuntzak ikasi zituen Frantziako Sorbonako Unibertsitatean eta baita Alemanian ere. 1963an Vasconia argitaratu zuen, Federico Sarrhail de Ihartza izengoitia erabiliz, eta bertan Euskal Herriaren historia arakatu zuen ikuspegi erabat iraultzaile batetik, batez ere, haren deskolonizazioa proposatuz. Franco diktadore espainiarraren poliziak ETAren inspirazio iturritzat jo zuen liburua eta egia da ETAko sortzaileetako eta orduko kideetako askok idazlana goraipatu egin zutela. ETAren V. Biltzar Nagusian oso txosten garrantzitsua aurkeztu zuen Krutwigek. Helenista saiatua da eta Lapurtera klasikoa proposatu izan du beti euskara batuaren oinarri gisa. 1952an Hego Euskal Herria utzi beharrean aurkitu zen bere ideiengatik eta elizari buruz esan zituenengatik.
Haren beste liburu esanguratsuetako batzuk honako hauek dira:
La Nueva Europa (Europa Berria). Oraingo honetan eta Vasconian agertutako ideiak gehiago hedaturik, Mendebaldeko Europako deskolonizazioaren alde dihardu, gaur egun Herrien Europatzat-edo daukaguna goretsiz.
Garaldea Europako hainbat herriri buruzko (tartean euskaldunak) entsegu zientifikoa.
Bizitzako azken urteetan Jose Mari Gorordoren Iniciativa Ciudadana Vasca/Euskal Huritarren Egitekoak alderdian aurkeztu izan zen hainbat hauteskundetan Hego Euskal Herrian.
