Alvarez Rabo

Wikipedia(e)tik

Álvarez Rabo Monforte de Lemos (Lugon) jaio zen 1960an eta ume zelarik gurasoekin Bilbora joan zen bizitzera. Bertan Opusen egin zituen ikasketak, eta beraren esanetan "ukierak" sufritu zituen. Gartzelatik ere pasatu zen, El Corte Ingléseko kirol ehiz eta arrainketa sailean lanean hasi baino lehenago. 25 urtekin hasi zen marrazten, kasualitatez, TMEO aldizkaria sortu zen aldi beretxuan eta bertan egon da argitaratzen 2. aletik aurrera. Bere komikiak denpora librean egiten omen ditu dendan lan egiten duen bitartean. El Víbora bezalako aldizkarietan ere parte hartzen du.

Bere obrak hain azkar eta gaizki marrastuta daudela norbaitek komentatu zionean, horrela erantzun omen zuen: "Dibujo con el rabo" eta hortik etortzen omen zaio ezizena. Bere estiloa zakarra, azkar eta gaizki egina eta oso kutrea da, baina Rabo beti horretaz harro azaldu da, bai eta bere komikien bukaeran marrazten pasatu duen denpora guztia azaltzen ere, ideia izan zuenetik tintatzen bukatu zuen arte (normalean oso, oso gutxi). Bere historia zakar eta txiste sexual agerikoak direla eta, "Emakumeek ez dute jorratzea gustoko" komikiaren salmenta Portugalen (As mulheres não gostam de foder) debekatua izan zen eta Italian ere ezin da argitaratu.

1995an Espainako Ministerioko gizarte sailak finantzatutako aldizkari batean Álvarez Raboren «El increíble hombre de la polla menguante» argitaratu zen. Iskanbila izugarria izan zen, eta garaian oposizioan zegoen Partido Popularrak bai eta hainbat komunikaziobideek Matilde Fernandez ministra diru publikoa erabiliz pornografia finantzatzeaz salatu zuten. Rabok hasiera batean argitaratzeko hautatu zuen historia, «Terrorista por amor», non Opus Deiko tipo bat ETAn sartzen den emakume baten amodioaren bila, ministerioan bertan ezeztatu zuten.

2002aren bukaeran Álvarez Rabo publikoki bere ego kreatiboaren erahilketa egingo zuela adierazi zuen, bere jarduera Irailaren 11an betirako etenez, Txileko estatu kolpearen urteurrenean. Hau gertatzea ostopatu zezakeen gauza bakarra berriak gizartean alarma sortzea zen. Alarma honen adierazpen bezala, Rabok 1000 eskutitz jaso nahi zituen TMEO eta El Víbora aldizkarien erredakzioetan; 132 jaso zituen, inork inoiz pentsatu zezakeen baino askoz gehiago.

Gaur egun Rabo jauna ezkonduta dago, Gasteizen bizi da eta bi seme alaba ditu, Jhonatan eta Yhedra. Gasteiz irratian eta E.I.T.Ben parte hartzen du batzutan, "Hasta Aquí Hemos Llegado" saioan.

[aldatu] Lanak

Historias Raberas (Ezten Kultur Taldea 1993)
Consejos sexuales de Álvarez Rabo (Ezten Kultur Taldea 1996; 2002an 4. argitalpean)
A las mujeres no les gusta follar (Ezten Kultur Taldea 1997 baina gerora berriargitua)
No puedo dar más(La Cúpula 1998)
Anal-Fabetos (Ezten Kultur Taldea 1999; 2002an 2. argitalpean)
Sabor a rabo (La Factoría de Ideas 2001)
Ha Nacido un Agujero Negro! (La Factoría de Ideas 2001)
Hasta el rabo (Ezten Kultur Taldea 2001)
Hombres alterados (La Cúpula 2002)
El princi-pito (La Factoría de Ideas 2002)
Consejos sexuales de Álvarez Rabo, II. atala (Ezten Kultur Taldea 2003)