Шăмăршă хыпарĕ (хаçат)
Материал из Wikipedia.
Шăмăршă хыпарĕ, — Чăваш Енĕн Шăмăршă районĕн хаçачĕ. Пĕрремĕш номерĕ 1932 çулхи çурла уйăхĕнче тухнă. Вăл чухне вăл «Колхозник сасси» ятлă пулнă. Кайран «Сталин ялавĕ», «Коммунизм çулĕ» ячĕпе тухнă.
Хаçат истрийĕнче пурĕ 7 тĕп редактор пулнă. Халĕ хаçата ăста журналист, район депутачĕсен пухăвĕн депутачĕ, «Пĕрлĕхлĕ Раççей» парти членĕ Б.В. Мишкин ертсе пырать.
Хăй вăхăтĕнче унăн страницисем çинче Чăваш халăх çыравçи Илпек Микулайĕ, Владимир Бараев-Сĕркке сăвăçă, Зоя Романова çыравçă-тăлмач, Н.Угарин драматург, Республикăри вырăс драма театрĕн директорĕ В.Лукьянов, Н. Корчаков режиссер-артист, Чăваш Ен Президенчĕн Администрацийĕн пуçлăхĕн çумĕ пулса ĕçлекен В.Максимов хăйсен хайлавĕсене пичетленĕ, район çыннисене хавхалантарса пынă. Хальхи вăхăтра Иван Саландаев, Владимирпа Александр Михайловсем, Иван Медведев журналистсем хăйсен ăсталахĕпе хаçата пуян содержаниллĕ кăларассишĕн вăй хураççĕ.
Паянхи кун «Шăмăршă хыпарĕ» 2000 тиражпа тухса тăрать.
