Kampoù-bac'h gall

Diwar Wikipedia, an holloueziadur digor

Bez ez eus bet kampoù-bac'h gall a-raok an Eil Brezel-Bed, e-pad ar brezel, ha war-lerc'h. Evit gouzout petra eo ar c'hampoù-bac'h (ne vez ket lakaet an anv-se war ar c'hampoù-prizonidi-brezel), klask ar pennad kampoù-bac'h

Taolenn

1 A-raok an Eil Brezel-Bed
2 E-pad an Eil Brezel-Bed
3 Listenn 41 c'hamp
4 War-lerc'h an Eil Brezel-Bed
5 Levrioù
6 Gwelout ivez
7 Liammoù diavaez

[kemmañ] A-raok an Eil Brezel-Bed

Meur a gamp zo bet, ret eo ober ar c'hemm etre:

re ar brizonidi e-pad Brezel-Bed Kentañ, evel Pontmain, ma veze dalc'het Alamaned disoudard

re ar repuidi republikan hag ar vrogarourion euskarat war-lerc'h brezel diabarzh Bro-Spagn. En o zouez re :
- Agde, en Hérault,
- Argelès-sur-Mer, e Rousilhon,
- Gurs er Basses Pyrénées (hiziv Pyrénées Atlantiques); gwelout [1],
- Moisdon-la-Rivière, e Breizh (gwelout [2])
- Rivesaltes, e Rousilhon,

da lavarout eo 5 kamp da vihanañ a-raok 1939.

re ar brizonidi alaman e 1939, a-wechoù er memes lec'hioù.
re an Impalaeriezh Trevadennel Gall, nebeud anavezet en Europa.

[kemmañ] E-pad an Eil Brezel-Bed

Adal 1939 e vo leuniet ar c'hampoù meneget uheloc'h gant Alamaned dastumet e Bro-C'hall, da lavarout eo gant tud oc'h enebiñ ouzh an Nazied (komunourien, yuzevien alaman) mesk-ha-mesk gant tud a-du gant Hitler, pe soudarded alaman.

War-lerc'h faezhidigezh an armeoù gall, aloubadeg Bro-C'hall ha diskar ar gouarnamant republikan, e teuy tro ar Yuzevien, a vo roet tamm ha tamm d'an nazied da gas da Alamagn.

[kemmañ] Listenn 41 c'hamp

Anaout a reer kampoù:

Aincours, e Seine-et-Oise, komunourien ennaén adalek 1940 [3]
Barcarès, e Rousilhon
Beaune-la-Rolande e Loiret
Besançon, en Doubs, er c'hazarn Vauban;
Bourg-Lastic, er Puy de Dôme,
Bram en Aude, e 1939 ha 1940;
Brens en Tarn, e-tal Gaillac, e 1939 ha 1940;
Choiseul, e Kastellbriant, e Breizh, e Liger-Atlantel, eus 1941 da 1942 [4];
Douadic, en Indre
Drancy,
Fort-Barrault, en Isère, [5] Patrom:Pdf
Jargeau, evit ar Rromed, e-tal Orléans
Lalande, e Yonne
Marolles, e Loir-et-Cher
Mazures en Ardennes, ma voe digoret ur "Judenlager" eus 1942 da viz Genver 1944
Mérignac
Meslay-du-Maine, e Mayenne, eus 1939 da 1940
Milles, e-tal Aix-en-Provence er Bouches du Rhône, ar brasañ e gevred Bro-C'hall. Alese e voe kaset 2.500 yuzev e miz Eost 1942.
Monceau-les-Mines
Nexon, en Haute-Vienne
Noé
Montreuil-Bellay
Les Tourelles, e Pariz
Pithiviers
Port-Louis, er Morbihan, er c'hreñvlec'h;
Recebedou, en Haute-Garonne, e-tal Toulousa;
Rieucros, e Lozère;
Romainville
Rouille
Royallieu, e Compiègne;
Saint-Cyprien e Roussillon, ennañ 90 000 repuad spagnol e Meurzh 1939, serret e dibenn 1940 ha kaset an dud da hini Gurs.
Saint-Paul d'Eyjeaux, en Haute-Vienne
e Saint-Sulpice-la-Pointe, [6]
e Saliers, e-kichen Arles.
e Schirmeck en Elzas,
e Septfonts,
e Thil e Meurthe-et-Moselle;
er Vernet en Ariège adal 1939 e oa 12 000 stourmer spagnol ennañ, ;
e Vittel, er Vosges, ennañ Saozon hag Amerikaned;
e Voves, en Eure-et-Loir;
e Woippy e Moselle, savet e 1943.

Da lavarout eo 41 c'hamp da vihanañ.

"Digerién kampoù nevez a vo graet buan, postoù-labour a vo krouet e-leizh gant an archerien , Maurice Rajsfus, Drancy, un camp de concentration très ordinaire, Cherche Midi éditeur.

Ret eo menegiñ ivez

Struthof, pe Natzweiller-Struthof, en Elzas, ar c'hamp nemetañ krouet gant an Nazied war zouar Bro-C'hall.

En Impalaeriezh Trevadennel gall, e oa bet krouet kampoù-labour evit ar Yuzevien gant gouarnamant Vichy en Aljeria hag e Maroko:

Abadla, en Aljeria
Ain el Ourak
Bechar, en Aljeria
Berguent
Bogari
Bouarfa
Djefa
Kenadsa
Meridja
Missour, e Maroko
Tendrara

[kemmañ] War-lerc'h an Eil Brezel-Bed

Kampoù-bac'h zo bet war ar maez en Aljeria, dalc'het gant an arme c'hall, ma veze boureviet ha lazhet darn eus ar brizonidi.

[kemmañ] Levrioù

Raloc'h eo al levrioù diwar-benn ar c'hampoù gall eget re Alamagn.

La SNCF sous l'Occupation allemande, Institut du temps présent, CNRS 1996
Maurice Rajsfus, Drancy, un camp de concentration très ordinaire, 1941-1944. Le Cherche-midi Editeur, 2005 - ISBN 2862744352
Madeleine Steinberg, Les camps de Besançon et de Vittel, Le Monde Juif n°137 (janvier-mars 1990)

[kemmañ] Gwelout ivez

[kemmañ] Liammoù diavaez

(it)

Listenn ar c'hampoù-bac'h  en Italia da goulz ar faskouriezh : it:Lista dei campi per l'internamento civile nell'Italia Fascista

Adtapet diwar "http://br.wikipedia.org../../../k/a/m/Kampo%C3%B9-bac%27h_gall.html"

Rummadoù ar bajenn: Kampoù-bac'h gall | Enepyuzevegezh c'hall | Gouennlazh ar Yuzevien