Comunidá de Países de Llingua Portuguesa
De Uiquipedia
La Comunidá de Países de Llingua Portuguesa (Comunidade dos Países de Língua Portuguesa) o CPLP ye un foru multillateral ente países de too'l mundu que tienen como llingua'l portugués.
Los países de fala portuguesa sumen unos 223 millones de falantes. Les naciones de la CPLP totalicen un área aprosimada de 10.708.674 de kilómetros cuadraos.
La sede de la organización alcuéntrase en Lisboa y el so Secretariu Executivu ye actualmente l'embaxador Luís de Matos Monteiro da Fonseca, de Cabu Verde.
Tabla de conteníos |
[editar] Formación
La CPLP formóse en 1996 con siete estaos (Angola, Brasil, Cabu Verde, Guinea-Bissau, Mozambique, Portugal y Santu Tomás y Príncipe). Timor Oriental axuntóse a ellos nel 2002 dempués d'independizase d'Indonesia.
Macáu, que foi la cabera colonia portuguesa al integrase na República Popular China en 1999, forma parte como miembru observador de la organización. Ye tamién el casu de Guinea Ecuatorial, que tien como idiomes oficiales l'español y el francés, pero onde se falen tamién llingües criolles derivaes del portugués en delles provincies.
Nos sectores reintegracionistes gallegos deféndese la entrada de Galicia na organización
[editar] Estaos Miembros
Angola
Brasil
Cabu Verde
Timor Oriental
Guinea-Bissau
Mozambique
Portugal
Santu Tomás y Príncipe
[editar] Países Observadores
Guinea Ecuatorial
Macao
[editar] Enllaces esternos
- Páxina oficial de la CPLP (en portugués)
