Luengas na-dene
De Biquipedia
As luengas na-dene u na-dené son una de as familias lingüisticas de os pueblos natibos d'America, que abraca las luengas atapascas, l'eyak e o tlingit, charratas en chunto per bellas 200.000 personas.
Contenius |
[Editar] Destribuzión
A familia ye espardita per o Nordueste de America de o Norte (Alaska e l'Ueste de Canadá), e per bellas rechions de o Sur e de a costa ozidental d' Estatos Unitos.
[Editar] Clasificazión
- Luenga tlingit: 700 charradors (M. Krauss, 1995)
- Atapascano-Eyak
- Luenga eyak: 1 charrador (N. Barnes, 1996)
- Luengas atapascas
- Setentrionals
- De o litoral Pazifico
- Meridionals
O nabajo ye con diferienzia o idioma na-dene más parlato; se charra prenzipalmén en Arizona, Nuebo Mexico e d'altras rechions de o Surueste d'Estatos Unitos.
[Editar] Filiazión lingüistica
A luenga haida, con sólo que unas 15 personas que lo charran fluidamén (M. Krauss, 1995), se consideraba parti de a familia na-dene, pero a mayoría de lingüistas no creyen que n'i aiga prou ebidenzia lingüistica e s'aiman más de clasificar-la como una luenga aislata.
Seguntes a controbertita clasificazión lingüistica de Joseph Greenberg, a familia ye un de os tres grupos prenzipals d'idiomas de os natibos americanos, e representa una migrazión destintiba d'Asia enta America. Os altros dos son as luengas esquimo-aleutianas, fablatas en Alaska e l'Artico canadense, e as luengas amerindias, una de as clasificazions de Greenberg más descutitas, que abraca totas as luengas de os natibos americanos que no son na-dene u esquimo-aleutianas. D'entre os que autualmén refirman a teyoría de Greenberg sobre a migrazión na-dene, bi ye o lingüista Merrit Ruhlen, ta qui a migrazión abría ocurrito fa uns seis u güeito mil años, alto u baxo cuatre mil años dimpués de o poblamiento inizial de as Americas per parti de os amerindios. Seguntes Ruhlen, abrían arribato en barcas, establexendo-sen en primeras zerca de as Islas de a Reina Carlota, güei en a Columbia Britanica, Canadá.
Seguntes a teyoría lingüistica de Sergei Starostin, as luengas na-dene fan parti de superfamilia dene-caucasica, chunto con as luengas norcaucasicas e as sinotibetanas.
[Editar] Enlazes
Se beiga tamién: Luengas atapascas.
