Lusaka
vanuit Wikipedia, die vrye ensiklopedie.
Hoofstad van Zambië sedert 24 Oktober 1964 en sedert 1935 van Noord-Rhodesië toe dit Livingstone vervang het. Betreklike koel klimaat weens hoogte bo seespieël. Middelpunt van die noord-suid-spoorlyn en oos-wes-hoofpad. Gestig in 1905 om die loodmyn op Kabwe te bedien. Die vernaamste geboue is die Nasionale Vergadering, die president se Staatshuis, 'n Anglikaanse katedraal (1957) en die nasionale argief. Die Universiteit van Zambië (1965) is hier gesetel. Lusaka is die sentrum van 'n ryk landbougebied vir katoen, mielies, tabak en suiwelprodukte. Van die nywerhede sluit 'n motoraanleg en tekstielfabriek in. Bevolking tans meer as 1 000 000.
