真耶稣教会
来自 吴语维基百科
真耶稣教会，是基督教新教五旬节教派个一支，由中国人 张灵生（原名彬）搭魏保罗（原名恩波）勒1917年创始，勒中国北京设立教会。搿个教会认为别个各个教派对《圣经》个解释侪有错误，所以渠拉个目标是更正搿眼错误，拿渠拉认为拯救万民个真福音传遍世界，乃么好迎接耶稣再来。今朝主要分布勒台湾、新加坡、香港搭仔中国各地。
内容 |
[编辑] 十大信条
- 信耶稣 信耶稣是道成肉身，为拯救有罪个人代死勒勒十字架浪向，第叁日复活、升天；渠是人唯一个救主，天地个主宰，独一个真神。
- 信圣经 信新/旧约圣经是神暗底里颁布，是证明真道个唯一根据，搭仔信徒生活个准则。
- 信教会 信本教会是耶稣基督借晏雨圣灵再设立个，为仔复兴使徒时代个真教会。
- 信浸礼 信水浸是免罪再生个典礼，要叫已经受过水灵两浸者，奉主耶稣圣名，勒拉活水当中畀受浸者低下头个全身浸礼。
- 信圣灵 信受圣灵是得天国基业个凭据，并拿讲灵言作为受圣灵个明证。
- 信洗脚礼 信洗脚礼是搭主有分个，搭仔教训相爱、圣洁、谦卑、服事、饶恕个典礼。对每一个受浸者，要奉主耶稣圣名拨俚汏脚一趟，至于讲相互之间汏脚，必要辰光也是好个。
- 信圣餐礼 信圣餐是为仔纪念天主个死，一道领受主个肉、主个血，搭主联合，好得着永生，是勒拉末日复活个典礼。要常庄举行，必过板定要用一个无酵饼搭仔葡萄汁举办。
- 信安息日 信安息日（礼拜六）为神赐福个日脚。要勒恩典之下纪念创造搭仔救赎个恩，还要巴望下世人生永远安息而遵守个。
- 信得救 信得救是归因于一种恩典，也是因为信仰。但搿个必须依靠圣灵追求圣洁、实践经训，敬神爱人。
- 信审判 信主耶稣肯定会勒世界末日，从天降临，审判万民；义人得永生，恶人受永刑。
[编辑] 五大基本教义
五大基本教义为：洗礼、洗脚礼、圣餐礼、安息日搭圣灵。
- 洗礼。渠拉认为洗礼除开象征搭耶稣同死、同葬、同复活等意义外，也含有赦罪、重生、成圣搭得救个实质功效。由于教会提倡“一神观”，故只奉耶稣个名为信徒施洗。勒受洗时，主张信徒以面朝下个低头方式全身浸入水中。
- 洗脚礼。圣职人员要奉主耶稣个名为信徒行一次洗脚礼。渠拉主张洗脚礼是对主个爱搭谦卑服事个表现，从而“搭主有分”。
- 圣餐礼。每年举行次数不限。
- 安息日。渠拉认为勒礼拜六，个咾崇拜勒搿天举行。安息日是神勒万物造好个辰光设立个。
- 圣灵。主张真正个教会必须得著圣灵个浸。教会认为神所应许个圣灵分两次赐下：头一趟勒使徒时代个圣灵称为“秋雨”（或“早雨”）；第二趟则勒末世主再临前赐下，称为“春雨”（或“晚雨”）。唯有切望受圣灵个人才有神个生命。受了圣灵个信徒祷告时，会讲方言，还会震动身体。
[编辑] 详见
- 真耶稣教会史
- 生命之光
