Arcus (caelestis)
E Vicipaedia
Arcus caelestis dictus a similitudine curvati arcus. Iris huic nomen proprium est. Et dicitur iris quasi aeris, id est quod per aera ad terras descendat. Hic autem a sole resplendet, dum cavae nubes ex adverso radium solis accipiunt et arcus speciem fingunt; cui varios colores illa dat res, quia aqua tenuis, aer lucidus, et nubes caligantes, inradiata ista varios creant colores.
Partes textus huius sumuntur ex Etymologiarum Libris Viginti Sancti Isidori Hispalensis.
[recensere] Colores arcus caelestis
[recensere] Ammianus Marcellinus
Ammianus Marcellinus ad finem libri sui XX, 11, 26–30 arcum caeli vel irim describit. De arcus coloribus haec scribit: "Cuius species quantum mortalis oculus contuetur prima lutea visitur, secunda flavescens vel fulva, punicea tertia, quarta purpurea, postrema caerulo concreta et viridi."
Infra in tabula colores quos Ammianus Marcellinus nominavit praebentur ad sinistram secundum nostram vicipaediam et ad dextram secundum nomina Anglica quibus in editione bibliothecae classicae Loeb redduntur. Colores Anglici ut ita dicam ex vicipaedia Anglica sumpti sunt.
secundum nostram vicipaediam | secundum bibliothecam classicam Loeb et vicipaediam Anglicam |
---|---|
Luteus | yellow |
Flavus | golden |
Fulvus | tawny |
Puniceus | red |
Purpureus | violet |
Caeruleus | blue |
Viridis | green |
[recensere] Porticus imaginum
Vexillum cum iris coloribus signum pacis Sulphurini anno 2003 |