ინფლაცია

ვიკიპედიიდან

ინფლაცია ეკონომიკაში ფასთა საერთო დონის ზრდაა, საბაზო მსყიდველობითუნარიანობის დონესთან მიმართებაში. შესაბამისად, ინფლაცია ასევე მოიაზრება, როგორც ფულის მსყიდველობითუნარიონაბის კლება. ეკონომიკის ზოგიერთ მოდელში, ის ექვივალენტურია მოთხოვნის ვარდნის, ან ფულის მიწოდების ზრდის. ინფლაცია დეფლაციის ანტონიმია.

ზოგიერთ კონტექსტში სიტყვა "ინფლაცია" გამოიყენება ფული მიწოდების ზრდის მნიშვნელობით, რასაც ზოგჯერ განიხილავენ, როგორც ფასთა ზრდის მიზეზს. ზოგიერთი ეკონიმისტი კვლავაც ამ განსაზღვრებას ამჯობინებს. ასე მაგალითად, 1920-იანი წლების აშშ-ის ეკონომიკის ზოგიერთი ანალიტიკოსი მიუთითებს ინფლაციაზე, მიუხედავად იმისა, რომ ფასები იმ პერიოდში არ იზრდებოდა. ამ სტატიაში "ინფლაცია" განხილულია მისი ტრადიციული მნიშვნელობით.

დაკავშირებული ტერმინებია: დისინფლაცია - ინფლაციის დონის შემცირება, ან ეფექტი, რომელიც ამცირებს ინფლაციურ ზეწოლას, დეფლაცია - ფასთა საერთო დონის ვარდნა, რეფლაცია - დეფლაციის რევერსისთვის სტიმულის გამოყენება, ჰიპერინფლაცია - სწრაფი ინფლაცია წონასწორობისკენ ტენდენციის გარეშე. ინფლაციის დაბალი დონე (0-2%) ხშირად გაიგივებულია "ფასთა სტაბილურობასთან", და მრავალი ცენტრალური ბანკი ოფიციალურად ან არაოფიციალურად მისდევს ინფლაციურ პოლიტიკას, რათა დაცულ იქნას გარკვეული სასურველი ზედა და ქვედა ზღვარი. (იხ. ასევე მაკროეკონომიკა, მონეტარული პოლიტიკა და ფულის მიწოდება).