Vendredo
El Vikipedio
Vendredo estas la sesa tago de la semajno, kiu sekvas ĵaŭdon kaj antaŭvenas sabaton. En multaj mondopartoj ĝi estas la kvina kaj lasta tago de la laborsemajno. Vendredo estas la ŝabato de la islamanoj.
[redaktu] Etimologio
En Esperanto, la nomo venas el la franca vendredi, kiu siavice venas de la latina dies Veneris, tago de la diino Venera. El tiu venas la vortojn viernes kaj venerdì ankaŭ.
En la ĝermanaj lingvoj ĝi havas komunan radikon, kiu videblas ekzemple en la angla nomo Friday, germana nomo Freitag aŭ sveda nomo fredag.
Laŭ unu teorio, oni tie kopiis la ideon, uzante la nomon de la nordĝermana diino Frigg anstataŭ Venera.
Laŭ alia teorio, la ĝermanaj nomoj por vendredo estas nomitaj ne laŭ Frigg, sed laŭ Freyja, diino de amo kaj amoro, kaj tiel paralela al la greka diino Afrodite kaj romia diino Venus.
Pro tiu ligo kun diino de amo kaj amoro, vendredo estis feliĉa tago en la greka, romia kaj ĝermana kulturoj antaŭkristanaj; sed ekde la morto de Jesuo, kiu mortis en vendredo, tiu tago pro la disvastiĝo de kristanismo fariĝis tago malbonaŭgura.
