Strasburgo
El Vikipedio
Geografio > Eŭropo > Francio > Alzaco > Strasburgo
Strasburgo (franclingve Strasbourg, alzaclingve Strossburi kaj germanlingve Straßburg) estas la ĉef-urbo de la departemento Malalta Rejno (franclingve: Bas-Rhin) en la regiono Alzaco, plej oriente de Francio.
Loĝantaro: 267 000 en la urbo mem, 560 000 kun la ĉirkaŭaĵo.
Pridisputita regiono, multtempe teatro de konfliktoj inter eŭropaj ŝtatoj, Alzaco kaj Strasburgo estas hodiaŭ la kruciĝo kaj centro de okcidenta Eŭropo. Pro tiu pozicio, Eŭropa Unio elektis en la "arĝentora urbo" (kiel nomis ĝin la Romianoj!) la lokon de la Eŭropa Parlamentejo.
Rejno, riverego kiu kreas naturan landlimon inter Francio kaj Germanio, de pli ol tri jarcentoj, influas la regionon per kulturaj, politikaj kaj ekonomiaj fluoj.
La urbo enhavas multajn piedirantajn stratojn, la aŭtoj estis parte forpuŝitaj el la centro por havi pli da spaco por bicikloj (300 km da biciklaj vojoj). Historio ĉi-tie aperas en ĉiuj stratoj per la originala arkitekturo (katedralo, kvartalo "Eta Francio", ktp.). Tial ĝi apartenas nun al la "Tutmonda Heredaĵo de la Homaro", laŭ Unesko.
En Strasburgo naskiĝis Sophie Marie-Aline Menu de Ménil kaj Carlo Bourlet, fama scienculo, unu el la plej grandaj Esperantistoj kaj amiko de Zamenhof. Post la unua mondmilito venis tien Hubert Ferez ; tiu granda aktivulo multjare prezidis la E-an grupon, kiu tiutempe estis ege prospera. Li redaktis kurson.
[redaktu] Historio
Strasburgo, nomata Argentoratum fare de la Romianoj, estis fondita en - 12. Tiam ĝi estis soldata barakaro ĉe la rejna limes (limo de Romio). Iu canabae (civila domaro) konstruiĝis ĉirkaŭ la barakaro direkten al okcidento, kio preparis la daŭra disvolviĝo de la urbo. En la 5-a jarcento Strasburgo fariĝis ero de la franka regno kaj, en 842, tie okazis la Strasburgaj Ĵuroj, plej malnovaj atestoj de la lingvoj franca kaj germana.
(daŭrigota)
[redaktu] Esperantaj eventoj en Strasburgo
Strasburgo estis la loko de la Internacia Junulara Kongreso en 2001.
http://ijk2001.free.fr
Okazas ankaŭ ekde 2001 partopreno de Esperanto-delegacio en la Euroscola-tagoj, kiujn ĉiujare organizas la Eŭropunia Parlamento.
http://e.euroscola.free.fr
