Komunumo de Sendependaj Ŝtatoj
El Vikipedio
Komunumo de Sendependaj Ŝtatoj (KSŜ) estas interŝtata organizo, kreita laŭ iniciato de Belorusio, Ukrainio kaj Rusio. En la interkonsento, subskribita la 8-an de decembro 1991 en urbo Minsko (Belorusio), ĉi tiuj ŝtatoj konstatis, ke pro la profunda krizo kaj disfalo Sovetunio ĉesas sian ekzistadon. Samtempe, ili deklaris pri sia strebo al establiĝo de diversaspekta kunlaborado en la sferoj politika, ekonomia, kultura, humana ka.
La 21-an de decembro 1991 al interkonseto aliĝis Azerbajĝano, Armenio, Kazaĥstano, Kirgizio, Moldavio, Taĝikio, Turkmenio, Uzbekio. Ekster la organizo restis 4 pliaj respublikoj de iama Sovetunio: Estonio, Latvio, Litovio kaj Kartvelio. Pro la politika kaj ekonomia premo (laŭ kelkaj komentoj, ankaŭ pro la konflikto en Abĥazio), la lasta membro, Kartvelio ankaŭ devis aliĝi al KSŜ en septembro de 1992.
En 1993 jaro estis akceptita Statuto de la organizo, kiu deklaras sferojn de la komuna agado: defendo de la rajtoj kaj liberecoj de la homoj, koordino de ekteraj politikaj rilatoj, kunlaboro por la kreado de komuna ekonomika spaco, batalo kontraŭ la organiza krimo, kunlaboro en defenda politiko kaj defendo de ŝtatlimoj. Estis kreitaj organoj de KSŜ: Konsilio de Ŝtatestroj, Konsilio de Registarestroj, Interŝtata Ekonomia Konsilio, Interparlamenta Asembleo ka. Pro la malsamaj celoj de la membro-ŝtatoj kaj internaj kontraŭstaroj, plimulto de la decidoj de supremenciitaj organoj, ne plenumiĝas.
La rezidejo de la Ekzekuta Sekretario de KSŜ troviĝas en Minsko, de Interparlamenta Asembleo - en Sankt-Peterburgo, de restaj organoj - en Moskvo.
[redaktu] Vidu ankaŭ
- GUUAM
- Komunumo de Neagnoskitaj Ŝtatoj (СНГ-2)
