Irkutsk
El Vikipedio
Geografio > Azio > Rusio > Urboj > Irkutsk
Irkutsk (ruse Иркутск) estas urbo en Rusio ĉefurbo de Irkutska provinco.
- loko: 52° 21' N, 104° 11' E Mapo.
- horzono: GMT+8h (diferenco de la loka kaj moskva tempoj estas 5 horoj) (en jaro 2005).
- loĝantaro: 591.2 mil (en la aglomeraĵo en 2001).
Irkutsk estas ekonomia, kultura kaj scienca centro de orienta Siberio.
Kodo de OKATO de la urbo (en jaro 2005) estas 25401.
La interurba telefona kodo estas 3952, la enurbaj telefonnumeroj estas sesciferaj (en jaro 2005).
La urbo estas ĉe enenfluo rivero Irkut (Иркут) en riveron Angara (Ангара).
Jare 1652 rusia esplorvojaĝisto Ivan Poĥabov fondis Irkutskan vintrejon (fortikaĵon). En kelkaj jaroj la vintrejo pligrandiĝis kaj post la jaro 1668 tie estiĝis vilaĝo. Jare 1686 Irkutsk akiris la statuson de urbo. En la 17-a jarcento Irkutsk funkciis kiel komerca centro por komercado kun Ĉinio. Komence de la 19-a jarcento la urbo estis fama pro la plej grandaj foiroj en Siberio. Ĝis la 1840-aj jaroj Irkutsk funkciis ankaŭ kiel centro por or-mina industrio. Jare 1889 tra la urbo estis kondukita Transsiberia fervojo.
En jaro 1959 la urbo havis 366 mil loĝantojn.
La urbo vizitindas plejparte pro sia proksimeco al la mondfama lago Bajkal, la plej profunda kaj purakva lago en la mondo. Ĝi atingeblas el la urbo multvoje kaj diversmaniere. La minimume longa itinero estas viziti la vilaĝon Listvjanka, kiu situas apud la elfluo de la rivero Angara el Bajkalo.
