Siberio
El Vikipedio
Geografio > Azio > Rusio >Siberio
Vastega parto de Azia teritorio de Rusio. Ĝi etendiĝas de Uralo, en okcidento, ĝis ĉepacifikaj akvodividaj montoĉenoj, en oriento, kaj de la bordoj de Arkta oceano, en nordo, ĝis stepoj de Kazaĥio kaj bordoj de Mongolio, en sudo. Areo ĉ. 10 mln kv.km — pli granda ol Ĉinio aŭ Usono.
Laŭ natura karaktero oni distingas Okcidentan Siberion kaj Orientan Siberion, kie troviĝas Okcident-Siberia Ebenaĵo, Mez-Siberia Plataĵo, montaroj de Sud-Siberio (Altajo, Okcidenta Sajano, Orienta Sajano, Bajkala regiono). Klimato plejparte estas severa, kontinenta, la averaĝa temperaturo de januaro estas -16°C (en sudo de okcident-Siberia ebenaĵo) kaj -48°C (en oriento de Jakutio).
Plimulto de riveroj — Objo, Irtiŝo, Jeniseo, Leno, apartenas al baseno de Arkta oceano. Gravaj lagoj — Bajkalo, Tajmira lago. Granda parto de la Siberia teritorio estas okupita de tundro kaj tajgo, en la sudo — de stepo kaj arbara stepo. La regiono estas riĉa de naturaj krudaĵoj: karbono, nafto, gaso, fero, almazo, oro, grafito ka. Grandaj urboj de Siberio: Novosibirsk, Krasnojarsk, Irkutsk, Barnaul, Tomsk.
 |
 |
 |
 |
[redaktu] Vidu ankaŭ jenon:
[redaktu] Eksteraj ligiloj
http://www.zaimka.ru- http://www.sibheritage.nsc.ru
- http://perso.wanadoo.fr/gallieni/lycee/projet/histoire20s/transiberien.html
- http://www.baikal-lake.org
