Boulogne-sur-Mer
El Vikipedio
Geografio > Eŭropo > Francio > Pas-de-Calais > Boulogne-sur-Mer < Urboj
| Boulogne-sur-Mer | |
|---|---|
 |
|
| Lando |
 |
| Regiono | Nordo-Kaleza Markolo |
| Departemento | Pas-de-Calais (subprefektejo) |
| Arondismento | Boulogne-sur-Mer (ĉefurbo) |
| Kantono | Ĉefurbo de 3 kantonoj |
| Poŝtkodo | 62200 |
| Urbestro Aktuala mandato |
Frédéric CUVILLIER 2001 - 2007 |
| Longitudo | |
| Latitudo | |
| Alto | 4 m |
| Areo | 8,42 km² |
| Loĝantaro | 44 859 loĝ. (1999) |
Boulogne-sur-Mer [bulonjsyrmer] (esperantigite Bulonjo-ĉe-Maro aŭ Bulonjo-sur-Maro) estas urbo en la Nordo de Francio, en la departemento Pas-de-Calais (= Kaleza Markolo, 62), kaj la regiono Nordo-Kaleza Markolo, ĉe la Maniko, je la elfluejo de rivero Liane.
Enhavo |
[redaktu] Vidindaĵoj
La malnova centro, tutĉirkaŭita per siaj malnovaj remparoj, kiuj oni povas piede surrondiri, meze de ĉi kvartalo la katedralo (vidu foto supre). Ekstreme de la remparocirklo: la malnova fortreso, kie nun sidas interesa muzeo, entenante interalie plenan kolekton da egiptaj antikvaĵoj.
Apud Boulogne staras kolono por memori la Tendaro de Boulogne, establita de Napoléon Bonaparte cele invadi Brition, kion li fine ne faris. Sed la memoraĵo de tiu aranĝo restas, kaj estas nun preteksto por granda ĉiujara napoleona renkontiĝo da historio-fervoruloj el pluraj landoj (inkluzive de Britio!) kiuj venas vestitaj per la samaj militistaj uniformoj de la epoko, kaj bivakantaj en sama maniero kiel la tiamaj soldatoj, fari ŝajnigon de tiama batalo; tio estas la plej fama turisma evento de la urbo.
[redaktu] Loĝantaro
[redaktu] Famuloj
- Auguste Mariette fama egiptologo
- SAINTE-BEUVE beletra recenzisto
[redaktu] Ekonomio
[redaktu] Esperanto
[redaktu] 1905
Boulogne estis la urbo de la 1-a Universala Kongreso inter 7 kaj 12-a de aŭgusto, kiun ĉeestis 688 Esperantistoj el 20 landoj. Tie estis konsentite la Deklaracio pri Esperanto.
[redaktu] 1987
Bulonjo gastigis la 60an kongreson de SAT.
[redaktu] 2005
Memorfeste al la centjariĝo de la historia evento de 1905, la Nordfrancia Esperanto-Federacio (kune kun aliaj organizaĵoj kiel UFE kaj la SAT-Amikaro) organizis en 2005, de vendredo la 25-a ĝis merkredo la 30-a de marto, okaze de sia ĉiujara federacia kongreso, elstaran internacian amikecan renkontiĝon, kiu konsistis el pluraj membrokunvenoj de Esperanto-asocioj, prelegoj (interalie de Claude Piron kaj Ulrich Lins) kaj viglaj debatoj, Pasko-meson parte en Esperanto, ktp. La malfermsoleno okazis en la sama teatro kie okazis tiu de 1905 kaj la parolado de L. L. Zamenhof estis denove eldirita. La postaj paroladoj de la ĉeestantaj politikistoj estis ĉiuj pli-malpli simpatiaj je Esperanto (unu estis nete favora je ĝi kaj ties enkonduko sine de la eŭropuniaj laborseancoj). Antaŭ la kongreso okazis simpozio en la loka universitato, organizita de UEA, pri la historio de la Universalaj Kongresoj.
