Sigmund Freud
vanuit Wikipedia, die vrye ensiklopedie.
Sigmund Freud (6 Mei 1856 - 23 September 1939) was 'n Oostenrykse neuroloog en die stigter van die psigoanalitiese tradisie binne die sielkunde, 'n beweging wat die teorie dat onderbewuste motiewe baie optrede beheer, gewild gemaak het. Hy het geïnteresseerd geraak in hipnose en hoe dit geestesiekes kon help. Hy het later hipnose laat vaar en eerder vrye assosiasie en droomanalise verkies, deur wat nou bekend staan as "die pratende genesing" te ontwikkel. Hierdie het die kernelemente van psigoanalise geword. Freud was veral geïnteresseerd in wat toe histerie genoem was.
Freud se teorieë en sy behandeling van pasiënte was opspraakwekkend in die 19de eeuse Wene, en word selfs vandag nog vurig debatteer. Freud se idees word gereeld bespreek en geanaliseer as werke van literatuur, filosofie en algemene kultuur, te midde van die aanhoudende debat rondom hulle waarde as wetenskaplike en mediese verhandelinge.
