Verêenigd Keunienkriek

From Wikipedia

Verenigd Keunienkriek

't Verêenigd Keunienkriek, vulluut: 't Verêenigd Keunienkriek van Grôot-Brittannje en Nôord-Ierland (Ingels: United Kingdom, ofgekort tot UK), is e land in West-Europa dad ip eilandn tusschn de Nôordzee en d'Atlantischen Oceoan ligt. De ôofdstad van 't Verêenigd Keuninkriek es London, andere grôote steed'n zin Birmingham (centroal geleegn), Manchester en Liverpool(midden-West'n). De ôofdstad va Schotland es Edingburg, va Wales Cardiff en van Nôord Ierland Belfast. Der weunen ongeveer 60 millioen minsn in de UK.

[bewerk'n] Geschiedenisse

[bewerk'n] Polletiek

't Verêenigd Keuninkriek es een constitutionele monarchie. Ip et moment es 't er een keunienginne an de macht: Queen Elizabeth II. De leidienge es in hand'n van een êeste minister die regeert in noame van de keunienginne. Ip dit moment es da Tony Blair. De êeste minister stoat an het ôofd van de regerienge, die gecontroleerd weird deur een parlement en een senoat, die verkoozn weirdn deur de bevolkienge. Traditioneel, en ôok een bitje als gevolg van het kiessysteim in de UK, zin der twêe belangrike polletieke partieen: de Conservatievn en de Labour Party (oeze Socialistn). De latste joarn es der een nieuwe partie ipgekoomn: de Liberal Democrats, die we in de links-liberoaln oek moet'n situeern. Doarnoast zin der ôok wa klindere partieen, gelik the uterst rechtse National Party. The UK makt dêel ut van de Europese Unie, moar es gekend voo êen van de grôotste critici van die instellienge: zôo es 't Verêenigd Keuninkriek êen van de winnige land'n die den Euro nie ingevoerd eit.

[bewerk'n] Economie

't Verêenigd Keuninkriek es êen van de belangrikste economische macht'n in de weireld, en ôort bie de G7. Kwa economisch model zitt'n ze ievers tussn de Verêenigde Stoat'n en de Europeese land'n in. Zein de Britse Pond behoud'n als munte, in tegenstellienge tot de rest van de Europeese Unie.

[bewerk'n] Geografie

't Verêenigd Keunienkriek ligt ip een eiland'ngroep. 'T land bestoat in't Zudôost'n vôorol ut golvende euvelachtige landschapp'n, en mêer noor et Nôord'n toe ei je bergachtige streek'n me bergn tot rond de 1000 meiters (the Lake District). Wales en Schotland ein ôogere topp'n: in Schotland zin de highlands bekend (me topp'n tot 1344 meiters) , terwijl da Wales over de hêele linne bergachtig es.

[bewerk'n] Cultuur

Het land eit oltid nen grôot'n invloed gehad ip de culture van het Westen, êest als grôotmacht, en loater als gevolg van't feit da Amerika nen directen ofstammeling es van et land. Zôo es de toale van et land, et Ingels, de weireldtoale bie utstek. In olle internationoale contact'n (in de weet'nschap, de luchtvoart, de internationoale instelliengn,...) es het Ingels de voertoale.

De Angelsaksische invloed es ôok utgesprook'n in de populaire cultuur: de eedendoagsen invloed in film, muzik, literatuur en kunst es onteegnsprekelik. Toch es de invloed van 't Verêenigd Keunienkriek toanende, en sommigen zien in de bemoeienissn van 't land in zoak'n gelik het internationaole terrorisme (met ols belangrikste punt de steun an de Verêenigde Stoat'n bie de bezettienge va Irak) een sôorte drang noor het (glorieuze) verleed'n.

Europese Unie (EU)