Amerika
From Wikipedia
Amerika is de populaire roepnoame voe 't land dat eigentlik de Verenigde Stoat'n van Amerika noemt (in't Iengels: United States of Amerika, of kortweg USA). 'n Oofdstad is Washington DC. In Amerika weun d'r mêer of 300 miljoen menschn. De grotsn e belangriekst'n stad is New York.
[bewerk'n] Geschiedenisse
't Land is e bètje mèd e ke egroeid. 't Begost in 1776 toen da 13 kolonies nunder wilnde ofschiê van 't moederland Grôot-Brittannje. In 1783 erkende Iengeland ton oek da 't een apart land wos. De 13 Stoat'n schoovn op na 't Westn en 't land kwam grodder e grodder. Achter e burgerôorlog (1861-1865) tusschn de zuudelike en de nôordelike stoaten (over oender ander, mo ni ollêne de sloavernie) groeide 't land en kwam et ossan moa machtiger. Miljoen immigrant'n (oek uut West-Vloandern) woarn d'r welekommn. Amerika deej mei an de Êestn Weireldôorlog en de Twèdn Weireldôorlog, e ze won 2 kèrs. Sedert de joarn '50 is Amerika dé wèreldmacht. Êest nog mè Rusland, moa in deze tiedn speel et die rolle ollêne. Doadeurn kom et oek da 't in veel landn ni gèrn ezien is (peis moa an de aansloagn op de WTC-tôorns). Moar oek intern ed et, nietengenstoande ze welvoart, vele probleemn te bekampn: vervuulieng, racisme, verschil tusschen arme e rieke,...
[bewerk'n] Bestuur
Amerika is e federoale republiek die steunt op de groendwet, mè vele macht voe de president die om de vier joar is ekoozn. Voe 't moment (anno 2006) is da George W. Bush. D'r zien politiek gezien moa twêe partiejn die echt meitelln: de Democroaten (èder progressif) en de Republiekein' (èder conservatif). Zieder en de macht in 't Congres: dat is de volksvertegenwôordigieng die bestoat uut de Senoat en 't Uus van Ofgevoardigd'n.