Filosofia
Un article de Wikipèdia, l'enciclopèdia liura.
La filosofia es l'afinitat o l'amor pel saber, per la sciéncia. Mas çò que caracterisa la filosofia, a la diferéncia de çò que modèrnament apelam sciéncia, es lo fach que la primièra cèrca una explicacion radicala e ultima de son objècte d'estudi.
[Modificar] Disciplinas filosoficas
En general, la filosofia es estada classada en categorias segon l'objècte de son estudi. Atal se parla, per exemple, d'epistemologia (la filosofia de la sciéncia), de cosmologia (la filosofia de la natura), d'antropologia (la filosofia de l'òme), de metafisica o d'etica (la filosofia del comportament uman).
Al long dels sègles, los divèrses sistèmas filosofics an classificat lors disciplinas de manièra diferenta, mas sovent son estadas mantengudas mai o mens las meteissas tres disciplinas generalas, qu'en tèrmes modèrnes s'apèlan logica, filosofia de la natura e filosofia de l'esperit. Çaquelà, la terminologia utilizada per s'i referir a pogut variar. Per exemple, los estoïcs las apelavan logica, fisica e etica.
[Modificar] Istòria
Quitament se de còps, se parla de filosofia orientala, la filosofia pròpriament dicha comencèt amb los grècs. En Orient i aviá de mites que podián mai o mens retraire a de nocions filosoficas, mas qu'avián una basa abans tot religiosa.
Sovent, se devesís l'istòria de la filosofia en quatre periòdes, que son :
- la filosofia antica
- la filosofia medievala
- la filosofia modèrna
- la filosofia contemporanèa
