Periodensystem

From Wikipedia

Dat Periodensysteem vun de chemisch Elementen wiest, welke Elementen dat gifft un woans ehr Egenschoppen tosamenhangt.

[Ännern] Historie

Vör dat 19. Johrhunnert harrn sick de Chemikers swor doon, Regeln ruttofinnen, dat se wat vörherseggen kunnen. De Eerst, de rutfunnen harr, dat dor ’n Regel för cheemsche Verwandschop is, weer Döbereiner 1817, de Gruppen vun jümmers dree Elementen maakt harr, de he Triaden nöömt harr. To’n Bispill Lithium, Natrium un Kalium. Ok Calcium, Strontium un Barium. Un Chlor, Brom un Jod.

1869 weern dat denn Lothar Meyer un Dmitrij Mendelejew, de sik - unafhangig vun’nanner - dat Periodensysteem harrn infallen laten. Dor hebbt se de Elementen na ehr Gewicht sorteert un jümmers de Elementen ünnereenanner schreven, de wat liekers reageert.