26. júní

Úr Wikipediu, frjálsa alfræðiritinu

26. júní er 177. dagur ársins (178. á hlaupári) samkvæmt gregoríska tímatalinu. 188 dagar eru eftir af árinu.

[breyta] Atburðir

• 1782 - Bannfæring var numin úr lögum á Íslandi.
• 1823 - Kötlugos hófst með stórhlaupi úr Mýrdalsjökli, sem skemmdi jarðir bæði í Mýrdal og Álftaveri.
• 1900 - Eyfirðingar héldu aldamótasamkomu á Oddeyri og komu á þriðja þúsund manns.
• 1905 - Fyrsta loftskeyti erlendis frá barst til Íslands. Þetta var Marconi-skeyti frá Englandi og var tekið á móti því í loftskeytastöð við Rauðará í Reykjavík.
• 1921 - Kristján X, konungur Íslands og Danmerkur, kom í heimsókn til landsins.
• 1928 - Boranir hófust eftir heitu vatni í Laugardal í Reykjavík.
• 1930 - Alþingishátíðin var sett á Þingvöllum. Þangað komu um þrjátíu þúsund manns. Hátíðin stóð í þrjá daga.
• 1949 - Búð Þuríðar formanns var tekin í notkun á Stokkseyri í minningu Þuríðar. Hún hóf sjósókn 11 ára gömul og var formaður í áratugi.
• 1972 - Margot Fonteyn, breskur listdansari, kom til Íslands og hélt sýningu í Þjóðleikhúsinu og fékk mjög góða dóma.

• 1973 - Eldgosið í Heimaey í Vestmannaeyjum hætti að bæra á sér eftir rúma fimm mánuði.
• 1979 - Járnblendiverksmiðjan á Grundartanga hóf starfsemi sína.
• 1992 - Áfengis- og tóbaksverslun ríkisins framleiddi síðustu brennivínsflöskuna og afhenti hana Þjóðminjasafninu til varðveislu. Fyrsta flaskan var framleidd 1935 og er einnig varðveitt í safninu.
• 2004 - Ólafur Ragnar Grímsson var endurkjörinn forseti Íslands.
• 2005 - Forseti Íslands, Ólafur Ragnar Grímsson, endurvígði minnisvarða um landnám Íslendinga í Spanish Fork.

[breyta] Fædd

• 1824 - William Thomson, breskur stærð- og eðlisfræðingur (d. 1907).

[breyta] Dáin