Koreana linguo
From Wikipedia
| Koreana linguo (Euskara) | |
|---|---|
| Parolanta in: | Nord-Korea, Sud-Korea e altre stati |
| Regiono principala: | Azia |
| Parolanta per: | 71 / 78 milioni (1ma e 2ma linguo) |
| Parenteso: | Estal-Azia lingui (senparenta) |
| Situato oficiala | |
| Linguo oficiala in: | Nord-Korea, Sud-Korea |
| Regulata per: | Gungnip Gugeowon (akademia per koreana linguo) |
| ISO 639-1 | ko |
| ISO 639-2 | kor |
| Vidas anke: Linguaro | |
Lo Koreana esas linguo uzata en ambe norda e sud-Korea. Existas anke multa Koreani en Chinia (la urbi di Dandong e Shenyang por exemplo), Rusia e multa landi ube Koreana imigranti existas. La urbi di Los Angeles, Vancouver, Sydney ed altri havas tre multa Koreani.
La Koreana olim uzis nur hanja, t.e. Chiniana literi lektante kun Koreana pronunco. Por exemplo, la vorto por Sud-Korea: Hanguk - 한국 o 韓國 en Chiniani literi. Hanguk pronuncesis Hanguo en la China e Kankoku en la Japona. Fakte, 70% di la vorti en la Koreana venas de Chiniana literi, ma ne nur la pronunco ma anke la gramatiko esas diferanta, e la du lingui esas tote diferanta.
La Japona esas la linguo maxim simila a la Koreana en la mondo. La gramatiko esas S-O-V, e multa vorti esas la sama. Tamen, la Koreana e la Japona ne esas tante simila kam la Norvega e la Sueda, por exemplo. Existis multa teori pri la du lingui. Kelka dicas ke la du lingui esis la sama plu kam 10 000 yari ante nun kande Japonia ne esis insulo ma parto di Azia, e mem ke dum longa tempo vorti chanjas en lingui, la gramatiko ne chanjas dramatikale, e forsan esas posibla ke li esis la sama linguo. Kande on vidas la du lingui, anke esas necesa savar ke en la du landi existas multa dialekti, ed anke ke li ne esis unionita lando dum la anciena tempo. La lando di Baekje, por exemplo, esis amiko di Wae, la anciena Japonia. Baekjae e Wae helpis la un la altra kontre la altra landi en Korea, p.e. Koguryeo.
